ЕЭК пен ЕАЭО 2030 жылға қарай тауарлардың ортақ биржалық нарығын қалыптастыруға кірісті

АСТАНА, 23 наурыз – Sputnik. Еуразиялық экономикалық комиссия және ЕАЭО елдері 2030 жылға қарай тауарлардың ортақ биржалық нарығын қалыптастыру жөніндегі іс-шаралар жоспарын кезең-кезеңімен іске асыруға кірісті. Бұл туралы ЕЭК-тің бәсекелестік және монополияға қарсы реттеу жөніндегі министрі Максим Ермолович "Биржалық тауар нарығы" Х халықаралық форумының пленарлық отырысында мәлімдеді.

"Ортақ биржалық нарықты құру қазіргі экономикалық сын-қатерлерге жауап берудің тиімді құралына айналуға тиіс. Негізінде, бұл ЕАЭО аясында тауарлардың еркін қозғалысын қамтамасыз етудің сапалы жаңа деңгейіне өтуге мүмкіндік береді. Одақтың ортақ биржалық нарығында біздің елдер экономикасының негізін құрайтын тауарлар айналымда болуға тиіс деп есептеймін", – деп атап өтті Максим Ермолович.

2026-2027 жылдары нарыққа қатысты негізгі реттеуші құжаттарды әзірлеу және қабылдау жоспарланған. 2029 жылы имитациялық сауда-саттық өткізу көзделген. Одан кейін тиісті инфрақұрылым пайда болған соң индикаторлар жүйесін құру басталады.

Сонымен қатар, басты мәселе одақтың ортақ биржалық тауар нарығында саудаланатын тауарлар тізбесін қалыптастыру болмақ.