eGov арқылы өтініш беру көмек алуға кепілдік емес министрлік

Ведомствоның мәліметінше, әлеуметтік көмек — мемлекеттің атаулы қолдау шарасы болып табылады және белгіленген мұқтаждық критерийлеріне сәйкес келетін, қиын өмірлік жағдайға тап болған азаматтарға ғана көрсетіледі.

— Көмек тағайындау қолданыстағы заңнамада және мәслихаттардың шешімдерінде айқындалған негіздер бойынша жүзеге асырылады, белгіленген талаптарға сәйкестігі құжат жүзінде расталған жағдайда ғана мүмкін болады, — делінген хабарламада.

eGov порталы арқылы өтініш беру — әлеуметтік көмекке жүгінудің бір тәсілі ғана және оның автоматты түрде тағайындалуына кепілдік бермейді.
Көмек алушы санаттардың тізбесі, көмекті көрсету шарттары және қажетті құжаттар тізімі әр өңірде мәслихаттар тарапынан жеке-жеке бекітіледі және жергілікті атқарушы органдардың ресми интернет-ресурстарында орналастырылады.
Барлық түскен өтініштер жергілікті атқарушы органдарда белгіленген тәртіппен қаралады.

— Азаматтарды ақпаратты тек ресми дереккөздерден алуға шақырамыз. Жалған ақпарат тарату заң бойынша жауапкершілікке тартылатынын еске саламыз, — деп есмкертті министрліктен.

Еске сала кетейік, бұған дейін Алматыда жаңа Конституцияға қатысты фейк таратқан тұрғын жазаланған болатын.