Ел аумағында ірі көлемде есірткі тасымалдаған күдіктілер қолға түсті

Ішкі істер министрлігі «Заң мен Тәртіп» қағидаты аясында ел аумағында синтетикалық есірткінің заңсыз айналымына қарсы күресті күшейтті. Мамыр айының екінші онкүндігінде есірткі қылмысына қарсы іс-қимыл бөліністері бірқатар өңірде синтетикалық есірткінің аса ірі партияларын таратудың жолын кесті, деп жазады Egemen.kz.

Фото: Polisia.kz

Алматы қаласында жүргізілген жедел-іздестіру шаралары барысында қала тұрғыны ұсталып, одан екі килограмнан астам альфа-PVP синтетикалық есірткісі тәркіленді. Күдікті кінәсін мойындаған.

Сондай-ақ мегаполисте тағы бір азамат қолға түсті. Оның тұрғылықты жерін тінту кезінде шамамен бір килограмм синтетикалық есірткі мен психотроптық әсері бар дәрілік заттар табылды.

Есірткі ұсынып, бірге кетуге көндірген: Алматыда жасөспірім қызға тиіскен ер адам іздестіріліп жатыр

Шығыс Қазақстан облысында интернет-дүкен кураторының тапсырмасымен өңірлерге есірткі тасымалдаған Алматы облысының тұрғыны ұсталды. Күдіктіден екі килограмнан астам есірткі тәркіленді.

Ал Қарағанды облысында Алматы – Екатеринбург тасжолымен ірі көлемдегі синтетикалық есірткі тасымалдаған күдікті қолға түсті. Автокөлікті тінту кезінде бір килограмм альфа-PVP синтетикалық есірткісі анықталған.

ІІМ мәліметінше, тәркіленген синтетикалық есірткінің жалпы салмағы 6 килограмнан асты. Бұл заңсыз айналымға түсуі мүмкін 18 мыңнан астам бір реттік дозаның жолы кесілгенін көрсетеді. 

«Осылайша мыңдаған жастың өмірі мен денсаулығына төнетін қауіптің алдын алдық. Аталған деректер бойынша Қылмыстық кодекстің 297-бабы 3-бөлігімен сотқа дейінгі тергеп-тексеру амалдары жүргізіліп жатыр. Қазір басқа да қатысы бар адамдарды анықтау бағытында жедел-тергеу шаралары жалғасып отыр. Барлық күдікті уақытша ұстау изоляторына қамалды. Жазғы демалыс қарсаңында жастарды есірткі таратып, «жеңіл ақша» табуға үндейтін жалған ұсыныстарға алданбауға шақырамыз. Қылмыстық топтар мұндай адамдарды тек «шығын материалы» ретінде пайдаланады. Өз болашағыңыз бен жақындарыңыз туралы ойланыңыз», деді ІІМ есірткі қылмысына қарсы іс-қимыл комитеті басқармасының бастығы Бақытжан Әмірханов.

Бұған дейін есірткі бизнесімен айналысқан 76 шетелдіктің ұсталғаны туралы хабарлағанбыз.

Соңғы жаңалықтар

Аида Балаева: Мәдениет – халқымыздың ұлттық болмысының айқын көрінісі

Мәдениет • Бүгін, 09:52

Белгілі кәсіпкер әрі блогер Сәуле Базархан пластикалық хирургия клиникасында көз жұмды

Оқиға • Бүгін, 09:47

Заң жобасы: Мәжіліс рақымшылық мәселесін талқылайды

Парламент • Бүгін, 09:35

Ел аумағында ірі көлемде есірткі тасымалдаған күдіктілер қолға түсті

Есірткі • Бүгін, 09:33

Мәжілістің жалпы отырысында қандай мәселелер қаралады?

Парламент • Бүгін, 09:16

АҚШ соты Рауль Кастроға ең ауыр жаза түрін тағайындауы мүмкін

Әлем • Бүгін, 08:52

«Астон Вилла» алғаш рет Еуропа лигасының чемпионы атанды

Футбол • Бүгін, 08:29

Бүгін доллар қанша теңгеден сатылып жатыр?

Қаржы • Бүгін, 08:12

Бүгін еліміздің басым бөлігінде жаңбыр жауады

Ауа райы • Бүгін, 08:02

Абайлаңыз, қарақұрт: Қазақстанда қауіпті өрмекшілер жандана бастады

Қоғам • Бүгін, 00:28

Шахтинск қаласындағы гараждағы өрттен кейін жасөспірімнің денесі табылды

Қоғам • Кеше

Қазақстанда жылына 10 млн тонна мұнай өңдейтін төртінші зауыт салынады

Экономика • Кеше

Астанада Керей Жәнібек хандары көшесінің бір бөлігі уақытша жабылады

Қоғам • Кеше

Астанада Құрбандық шалу рәсімі өтетін орындар белгіленді

Руханият • Кеше

Алматы көшелерінің бірінде жол қозғалысы 2,5 айға шектеледі

Қоғам • Кеше

Барлық жаңалықтар