Ел үміт артқан Евгений Кошкин Олимпиадада жүлдесіз қалды

Қазақстандық конькиші Евгений Кошкин Олимпиада-2026 ойындарында 500 метр қашықтықта тоғызыншы орын иеленді. Дебюттік жарысында ол 34,56 секунд нәтиже көрсетіп, чемпионнан 0,79 секундқа қалып қойды.

Бұл қашықтық Кошкин үшін осы қысқы Олимпиададағы жалғыз жарыс болды.

Джордан Штольц (АҚШ) Олимпиада чемпионы атанды. Ол 33,77 секунд нәтиже көрсетіп, Олимпиада рекордын жаңартты. Күміс жүлдені Йеннинг Де Боо (Нидерланд) — 33,88 секунд уақытпен жеңіп алды. Ал қола медаль Лоран Дюбрюэль (Канада) еншісіне тиді — 34,26.