Елімізде дрондарды меңгеретін мамандар даярлайтын әскери мектеп ашылды

АСТАНА, 17 қаңтар – Sputnik. Қорғаныс министрлігі ұшқышсыз ұшу мамандарын даярлайтын әскери мектеп ашылғанын хабарлады

Сағадат Нұрмағамбетов атындағы Құрлық әскерлері әскери институтын аяқтағалы жатқан 300-ден астам курсант FPV-дрондарын меңгеруге кірісті.

Енді әскери институт курсанттары мектептің тәжірибелі оқытушыларының жетекшілігімен бүгінде соғыс әрекеттерінің сипатын айтарлықтай өзгерткен ұшу аппараттарын басқаруды меңгере алады.

© Photo : Минобороны КазахстанаВ военном вузе Минобороны создали школу подготовки специалистов БПЛА

В военном вузе Минобороны создали школу подготовки специалистов БПЛА

© Photo : Минобороны Казахстана

Болашақ офицерлер кешендердің сипаттамаларын, құрылысын, қолдану ережелерін, техникалық қызмет көрсету тәртібін, сондай-ақ, қауіпсіздік шаралары мен әртүрлі жағдайда қолдану ерекшеліктерін үйренеді.

"Қазіргі заман технологияларын меңгеру арқылы курсанттар бүгінгі күні көптеген салада кеңінен қолданылатын ұшу аппараттарымен жұмыс істеуге практикалық тұрғыда дағдыланады", – деді әскери мектептің бастығы Данияр Ділдабаев.

© Photo : Минобороны КазахстанаВ военном вузе Минобороны создали школу подготовки специалистов БПЛА

В военном вузе Минобороны создали школу подготовки специалистов БПЛА

© Photo : Минобороны Казахстана

Сонымен бірге компьютерлік симуляторлардағы сабақтарға да ерекше көңіл бөлінбек. Онда курсанттар ұшу тапсырмаларын орындайды, төтенше жағдайда техника мен жеке құрамға қауіп төндірмей әрекет етуге машықтанады.

© Photo : Минобороны КазахстанаВ военном вузе Минобороны создали школу подготовки специалистов БПЛА

В военном вузе Минобороны создали школу подготовки специалистов БПЛА

© Photo : Минобороны Казахстана

"Практикалық дайындық жергілікті жердегі нақты ұшуларды, кедергілер арасында маневр жасауды, бақылау жүргізуді және басқа да оқу тапсырмаларын қамтиды. Мектепте FPV-дрондарға арнайы дрон-трасса салынған. Онда алдағы уақытта курсанттар арасында жарыс өткізу жоспарда бар", - делінген министрлік хабарламасында.

© Photo : Минобороны КазахстанаВ военном вузе Минобороны создали школу подготовки специалистов БПЛА

В военном вузе Минобороны создали школу подготовки специалистов БПЛА

© Photo : Минобороны Казахстана

Тағы бір айта кететіні, мектеп нұсқаушылары дрондардың бәрін, шағын FPV-ден бастап орташа өлшемді "камикадзе" дрондарға дейін, бөлшектерінен өздері жинайды. Курсанттарға да сол дағдыны үйретуді жоспарлап отыр.

Қазіргі таңда 300-ден аса оқуды аяқтаушы курсант факультатив түріндегі оқытуды меңгеруде. Келесі оқу жылынан бастап ұшқышсыз ұшу аппараттарын меңгеруді қалағандардың бәрі оқи алады.