Тәуелсіздік күнінде елімізде қанша мектеп пен балабақша ашылды?

Тәуелсіздік күні Астана, Алматы қалаларында, Қостанай, Шығыс Қазақстан, Маңғыстау және Ақтөбе облыстарында жаңа білім беру нысандары пайдалануға берілді. Бұл туралы Оқу-ағарту министрлігінің баспасөз қызметі хабарлады, деп жазады Egemen.kz.

Фото: Оқу-ағарту министрлігі

Алматыдағы Медеу ауданында екі білім беру нысаны 140 орындық жаңа №195-ші балалар бөбекжай-бақшасы мен реконструкциядан өткен №99-шы мектептің техникалық ашылуы өтті. Мектепте химия, физика және биология кабинеттері, спорт залы, бейнелеу өнері кабинеті, сондай-ақ 100 орындық акт залы жасақталған. Оқушылардың қауіпсіздігін сақтау мақсатында заманауи өрт қауіпсіздігі жүйесі енгізілген, дабыл құрылғылары орнатылған, ғимарат сейсмикалық тұрғыда күшейтілген.

Ал Ақтөбе облысының Жағабұлақ ауылында 100 орындық заманауи балабақша ашылды. Мұнда үйірмелер мен дамыту студиялары жұмыс істейді, соның ішінде 4 жастан бастап робототехника, ұлдарға дойбы, қыздарға тоқу үйірмелері ұйымдастырылған.

Қостанай облысының Фрунзенское ауылында жаңа балабақша пайдалануға берілді. Ғимарат заманауи мектепке дейінгі білім стандарттарына толық сай келеді. Облыста 28 мыңнан астам баланы қамтитын 467 мектепке дейінгі ұйым жұмыс істеп тұр.

Шығыс Қазақстан облысының Сарыөлең ауылында Бауыржан Момышұлы атындағы жаңа мектеп ашылды. Білім беру ұйымы қазіргі талаптарға сәйкес жабдықталған: химия, биология, физика, математика кабинеттері және басқа да пән кабинеттері, шағын орталық жұмыс істейді. Оқушылар үшін асхана, спорт және акт залдары қарастырылған.

Ал елордада «Келешек мектептері» ұлттық жобасы аясында №23-ші мектептің құрылысы аяқталды. Айта кетейік, салынған және салынып жатқан мектептердің басым бөлігі Астананың Есіл ауданы мен Нұрлы шағынауданында орналасқан.

Маңғыстау облысының Жаңаөзен қаласында 1200 оқушыға арналған жаңа форматтағы мектеп ашылды. Мектепте 61 оқу кабинеті, соның ішінде дизайн және технология, тамақтану мәдениеті, көркем өнер, робототехника, STEM және музыка кабинеттері қарастырылған. Қауіпсіздікті қамтамасыз ету үшін 126 бейнекамера орнатылған. Бұл өңірде ұлттық жоба аясында пайдалануға берілген 12-ші мектеп.

Министрлік мәліметінше, қазір елімізде 192 мың орынға арналған 130 мектептің құрылысы аяқталған. Оның 92-сі «Келешек мектептері» ұлттық жобасы аясында салынған, жартысы ауылдық елді мекендерде орналасқан.

Айта кетейік, 2025–2026 оқу жылында елімізде 232 білім беру ұйымы салынады.

Соңғы жаңалықтар

Футболдан 2026 жылғы Әлем чемпионатының жүлде қоры жарияланды

Футбол • Бүгін, 12:08

Қасым-Жомарт Тоқаев Мейджи Джингу ғибадатханасын аралап көрді

Президент • Бүгін, 11:51

«Astana Motors»: Отандық көлік өнеркәсібіндегі серпіліс

Технология • Бүгін, 11:42

Цифрландыру, инфрақұрылым және активтердің қайтарылуына ел тұрғындарының көзқарасы қандай?

Қоғам • Бүгін, 11:40

Еуроодақ ресейлік газдан бас тарту туралы шешім қабылдады

Оқиға • Бүгін, 11:35

«Жетісу» футбол клубына бас бапкер тағайындалды

Футбол • Бүгін, 11:25

Атырау облысында аңшы жоғалып кетті

Оқиға • Бүгін, 11:13

Димаш Құдайберген медицина университетінің құрметті профессоры атанды

Қоғам • Бүгін, 11:01

Қазақстанда бағдарламалау мектебі ашылды

Білім • Бүгін, 10:51

Кеңгір ауылы газға қосылып, таза ауыз сумен қамтылды

Қоғам • Бүгін, 10:40

Алматы метросының «Қалқаман» станциясы мерзімінен бұрын пайдалануға беріледі

Оқиға • Бүгін, 10:33

Бала саны сегізден асса, жәрдемақы мөлшері қалай өзгереді?

Қоғам • Бүгін, 10:20

Сақ болыңыз: Алаяқтар тұрғындарды алдауда жаңа тәсіл қолданып жатыр

Қоғам • Бүгін, 10:15

Түркістан облысында көпір опырылып қалды

Аймақтар • Бүгін, 10:11

18 желтоқсандағы валюта бағамы қандай?

Қаржы • Бүгін, 10:01

Барлық жаңалықтар