Елімізде импорттық тауарлардың бағасы бірнеше пайызға арзандауы мүмкін

Қазақстанда шетелден әкелінетін тауарлардың бағасы біршама төмендеуі ықтимал. Сарапшылардың айтуынша, доллар бағамының әлсіреуі импорттық өнімдер құнына әсер етуі мүмкін, алайда айтарлықтай арзандау күтілмейді, деп жазады Egemen.kz.

Фото: navstat.uz

Қазіргі таңда доллар шамамен 470 теңге деңгейінде саудаланып жатыр, бұл көрсеткіш соңғы 2 жылға жуық уақыттағы ең төмен деңгейлердің бірі. Соңғы рет мұндай межелер 2024 жылдың жаз мезгілінің бастапқы тұсында тіркелген еді.

Экономист Арман Байғановтың айтуынша, қазіргі жағдай импорттаушылар үшін қолайлы болып отыр.

«Шетелден тауар әкелетін кәсіпкерлер үшін қазіргі бағам анағұрлым тиімді. Сондықтан жаппай сатып алуды осы кезеңде жүргізген дұрыс. Кейінге қалдырылған әсерді ескерсек, алдағы 1 ай ішінде импорттық тауарлар бірнеше % шамасында арзандауы мүмкін. Мәселен, тұрмыстық техника немесе көліктер бағасы аздап төмендеуі ықтимал. Бірақ 10-20% деңгейінде айтарлықтай құлдырау болмайды», деді сарапшы.

Мамандардың пікірінше, доллар бағамының әлсіреуіне Таяу Шығыстағы геосаяси ахуал тікелей әсер еткен. Аймақтағы шиеленіс салдарынан Ормұз бұғазының ішінара жабылуы мұнай бағасының өсуіне әкелді, ал бұл өз кезегінде теңгенің нығаюына ықпал етті.

Импортқа тәуелділік әлі жоғары: Еліміз қандай кәсіби және техникалық қызметтерді сатып алып отыр?

Сарапшылар теңге бағамына тек сыртқы емес, ішкі экономикалық өзгерістердің де әсер еткенін айтады. Атап айтқанда, салық саясатының өзгеруі және бюджет кірістерінің артуы ұлттық валютаның тұрақтылығын күшейтуі мүмкін.

Соған қарамастан, мамандар баға динамикасы тұрақсыз болуы ықтимал екенін ескертеді. Егер Таяу Шығыстағы жағдай тұрақтанып, мұнай арзандаса, теңге де әлсіреуі мүмкін.

Осылайша, қазіргі жағдайда импорттық тауарлар бағасының аздап төмендеуі ықтимал, алайда күрт арзандау күтілмейді.

Импорттан арылу мүмкіндігі

Соңғы жаңалықтар

Интернетте анонимділік жоқ: Жалған ақпарат таратқандар жауапқа тартылады

Қоғам • Бүгін, 11:13

Мемлекет басшысы Вьетнам Президенті То Ламға құттықтау жеделхатын жолдады

Президент • Бүгін, 11:03

Еліміздегі көмір қорының көлемі қанша жылға жетеді?

Өндіріс • Бүгін, 10:53

Құқықтық сауаттылық: Бектенов халыққа арналған кешенді бағдарламаны уақтылы әзірлеуді тапсырды

Ата заң • Бүгін, 10:43

122 нысан қамтылады: Қай өңірлерде жол жөндеу жұмыстары басталды?

Аймақтар • Бүгін, 10:40

Мәйітті жылдар бойы жасырған: Майқайыңдағы оқиғаға қатысты жаңа мәліметтер жарияланды

Қоғам • Бүгін, 10:32

Әл-Фараби даңғылындағы жол апаты: Күдікті тергеу изоляторына қамалды

Оқиға • Бүгін, 10:22

7 сәуірге арналған ауа райы болжамы

Ауа райы • Бүгін, 10:03

Алматыда дәріханалар рецептісіз дәрі сатқан: Қылмыстық іс қозғалды

Алматы • Бүгін, 09:50

Солтүстік Қазақстан облысында ағаш өңдеу зауыты салынады

Өндіріс • Бүгін, 09:29

Бүгінгі доллар бағамы қандай?

Қаржы • Бүгін, 09:22

Аңдатпа

Аңдатпа • Бүгін, 09:15

Мәдениеттер тоғысындағы «Forte trio»

Өнер • Бүгін, 09:13

Сарқылмас ойдың кені

Қоғам • Бүгін, 09:10

Ырыздықты молайтуға ұмтылыс

Шаруашылық • Бүгін, 09:07

Барлық жаңалықтар