Еліміздің басым бөлігінде жаңбыр, қар және тұман күтіледі

«Қазгидромет» РМК баспасөз қызметі 2025 жылдың 8–10 қарашасына арналған ауа райы болжамын ұсынды, деп хабарлайды Egemen.kz. 

Синоптиктердің мәліметінше, Атлант циклонының әсерінен еліміздің басым өңірінде ауа райы құбылмалы болады: жауын-шашын (жаңбыр, қар) күтіледі, сондай-ақ тұман, көктайғақ және боранмен бірге желдің күшеюі болжанды.

Тек елдің оңтүстігі мен оңтүстік-шығысында ауа райы негізінен жауын-шашынсыз болады.

«Күндізгі ауа температурасының негізгі фоны батыс өңірлерде +5…+15°С, солтүстік-батыста 0…+10°С, солтүстік, шығыс және орталық аймақтарда –3…+2°С, ал оңтүстік пен оңтүстік-шығыста +5…+15°С шамасында болады», деп хабарлады «Қазгидромет».