Еңбек даңқы аласармайды

Қаршадайынан қара жұмыспен шыңдалған Мырзатай Қойшыбаев еңбек жолын өзіне тән ауыл өмірімен байланыстырды. Ауыл шаруашылығы иниститутын бітірген жоғары білімді маман алғашқы жылдары ауылдық кеңесте қызмет етті. Кейіннен атакәсіпке оралып, заман талабына сай алдымен егін шаруашылығын қолға алды.

1992 жылы «Нақхан» шаруа қожалығын құрды. Адай жыл­қысын өсірумен тыңғылықты айналысып, бие байлап, қымыз дайындап, қымызды құтыға құю цехын ашты. Бүгінде шаруашы­лығындағы жылқы басы 400-ге таяп қалған. Жұмыс барысын­да қаржыға, техника, еңбек күші­не қатысты кездескен қилы қиын­дықты еңсере білген қай­сар азамат перзенттерімен, көмек­шілерімен бірге Сай-Өтес ауылы маңындағы Қаратөрткүл жайлауында кәсібін дөңгелетіп отыр.

«Айта кеткен жөн, адай тұқым­ды жылқы ешқашан қолдан азық­танбайды. Дала төсінде ер­кін жайы­лып өсуі себепті, еті де, сүті де құнарлы. Жылқы сауу, сау­мал, қы­мыз дайындау тәсіл­дері туралы мамандардың еңбек­терін оқып, іздене жүріп, саумал, қымыз да­йындауды қолға алдық. Қымызды бөтелкелерге құйып, арнайы штрих код жапсырып, қала маңындағы бірқатар дүкен­ге өткіземіз. Бұрын 5–6 мың литр­ге дейін өндірсек, қазір қажетті­лікке қарай 2–3 мың литр ғана дайындап отырмыз», дейді М.Қойшыбаев.

Кәсіпкердің көп жылғы ерен еңбегі елеусіз қалған жоқ. 2017 жылы III дәрежелі «Еңбек даң­қы» орденімен, сондай-ақ Мем­­лекет басшысының Алғыс­ха­тымен, Ауыл шаруашы­лы­ғы министрлігінің «Ауыл ша­руа­­шы­лық саласының үздігі» белгі­сімен, Маңғыстау ауданының «Жылдық үздік фер­мері» атағы­мен, бірнеше мереке­лік төсбелгі­лермен, облыс, аудан әкімдерінің алғысхаттарымен марапатталды. Былтыр жылдың аяғында осы марапаттар жүлгесі жалғасын тауып, Астанадан Пре­зидент Қ.Тоқаевтың қолынан II дәрежелі «Еңбек даңқы» орденін кеудесіне тағып оралды.

Отбасында алты қыз, бір ұл өсіріп, олардан немере, жиен сүйіп отырған ардақты әке, атпал азамат­тың шаруашылығын одан әрі өркендетуден басқа мақсаты жоқ.

«Еңбегімді елеп, әр кез марапаттан тыс қалдырмай, облыстық, республикалық деңгейдегі мем­ле­кеттік, мерекелік түрлі сый-сия­патпен атап өтіп жататын іс басындағы азаматтарға алғы­сым шексіз. Еңбекті, кәсіпті мара­патқа бола жасамайсың, әйтсе де еңбектің еленгені қанаттан­дырады», дейді ол.

Маңғыстау облысы 

Соңғы жаңалықтар

Майталман маман, тәжірибелі тәлімгер

Еңбек • Бүгін, 08:17

Биометриялық төлем: Жаңашылдық пен қауіпсіздік

Технология • Бүгін, 08:15

Халыққа жылу сыйлаған

Еңбек • Бүгін, 08:12

Апатты баспаналар азаймай тұр

Қоғам • Бүгін, 08:10

Қаржыны тиімді басқару жоспары бекітілді

Экономика • Бүгін, 08:07

Құқықтық мемлекет қағидаттарының арқауы

Ата заң • Бүгін, 08:05

Бағаны өсіруге негіз жоқ

Инфляция • Бүгін, 08:03

Туристік нысандардың дайындығы тексерілді

Туризм • Бүгін, 08:00

Өңдеу өнеркәсібінде өсім бар

Саясат • Бүгін, 07:58

Ағаш өндірісіндегі игі бастама

Өндіріс • Бүгін, 07:55

Мемлекеттік билік тарихы туралы анықтамалық

Саясат • Бүгін, 07:53

Көмір саласы кешенді дамуға бет алды

Саясат • Бүгін, 07:50

Жер берудегі заманауи формат

Саясат • Бүгін, 07:48

Қасым-Жомарт Тоқаев Таяу Шығыстағы соғысты толық тоқтату туралы келісімді құптайды

Президент • Бүгін, 07:47

Фокус, команда және нәтиже

Саясат • Бүгін, 07:45

Барлық жаңалықтар