Енді Ресей Байқоңырдан космосқа зымыран ұшыра алмайды: Көршіміздің бүкіл миссиясы тоқтады

Ресей жақын арада Халықаралық ғарыш станциясына адам да, жүк те жеткізе алмауы мүмкін. Бұған Байқоңырдағы №31 старт алаңында болған оқыс жағдай себеп болды. "Союз" ракетасын ұшыруға арналған қызмет көрсету кабинасы газ шығатын шахтаға құлап түскен еді, сондықтан бұл құрылғысыз ракетаның қозғалтқыштарын іске қосу мүмкін емес, деп хабарлайды Arasha.kz.

Ресейлік басылымдардың жазуынша, қызмет көрсету кабинасы – ракетаға қажетті арнайы тетіктерді орнататын көп деңгейлі құрылым. Ол болмаса, "Союз" да, жүк таситын "Прогресс" кемелері де ұшпайды. Сондықтан 2025 жылдың желтоқсанына жоспарланған "Прогресс" жүк кемесінің ұшуы кейінге қалды. 

Проблема шешілгенше, станцияны тек АҚШ тарапынан жіберілетін кемелер қамтамасыз етеді. Ресейдегі басқа старт алаңдары адам тасуға әлі дайын емес, оларды дайындау №31 кешенін жөндеуден де ұзақ уақыт алады.

Неге жөндеу ұзаққа созылады?

«Роскосмос» жөнделеді, қажетті бөлшектер бар деді, бірақ нақты мерзім айтпады. Бұған бірнеше себеп бар:

1. Мұндай жағдай бұрын болмаған

Ғарыш тарихында қызмет көрсету кабинасының толық қирауы алғаш рет болып отыр.
2018 жылы бір жерде тек қорғаныш қақпағы ұшып кеткен — оны тез түзету мүмкін еді. Ал тұтас кабина жасау — өте ауыр жұмыс.

2. Кабина — ескі үлгі, қазір шығарылмайды

Бұл құрылғы Р-7 баллистикалық ракета дәуірінен қалған.
Ол техника да, оның бөлшектері де қазір өндірілмейді.
Қажетті материалдар мен тетіктер қазір мүлде қолданылмайды.

3. «Резерв бөлшектер» — тоқтатылған ескі старт алаңынан алынатын элементтер

Жақын маңдағы жабық тұрған №1 старт алаңы (Гагарин ұшқан алаң) қажет бөлшектердің жалғыз көзі болуы мүмкін.

4. Бұл SpaceX емес — бюрократия көп

Илон Масктың компаниясы бөлшекті бірнеше аптада құрастыра алады.
Ал Ресейде мемлекеттік конкурс жарияланып, құжат дайындап, келісімшарт рәсімдеуі керек.

Тек құжат дайындаудың өзі бірнеше айға созылуы мүмкін.

Бұл жағдай неге маңызды?

Ресей XXI ғасырда алғаш рет ғарышқа экипаж жіберу мүмкіндігінен айырылып отыр.

МКС толықтай АҚШ жіберетін кемелермен қамтылады.

Ресейдің ғарыш саласындағы мүмкіндігі мен тәуелсіздігіне үлкен соққы тиді.

Сарапшылардың айтуынша, бұл қиындық бірнеше айға емес, жылдарға созылуы мүмкін.