Ердоған: Түркия Украинадағы жағдайды реттеуге бағытталған бастамаларды қолдауға дайын

Түркия Украинадағы қақтығысты бейбіт жолмен реттеуге арналған дипломатиялық бастамаларға қолдау көрсетуге дайын. Бұл туралы Түркия президенті Режеп Тайип Ердоған Ашхабадта өткен Халықаралық бейбітшілік және сенім форумында мәлімдеді, деп хабарлайды Arasha.kz.

«Ресей мен Украина – біздің солтүстіктегі көршілеріміз, олармен бізді ұзақ жылдарға созылған байланыстар мен өзара құрметке негізделген қатынастар біріктіреді. Соғыстың тоқтауына шын жүректен үміт артамыз. Стамбұл үдерісі аясында ең алдымен атысты тоқтатуға және бейбітшілік орнатуға бағытталған дипломатиялық бастамаларға нақты қолдау көрсетуге дайынбыз», – деді Түркия басшысы.