Ерекше мүсін жасайтын шебер

Халық даналығында «Шебердің қолы ор­тақ» деген тәмсіл бар. Атыраулық дәне­кер­леуші Александр Речкин металдан түрлі мүсін жасайды. Оның бұйымдарына шетелдіктер де тапсырыс береді.

Өзінің айтуынша, колледж бітірген соң балық қорғау инспекциясында инспектор болған. Бірақ шебер атануды ойламаған екен. Кейінгі үш-төрт жылда осы кәсіпке бет бұрды. Қазір қолынан шыққан мүсіндер тек жер­гілікті тұрғындар ғана емес, шетелдіктер арасында да танымал бола бастады. Өйт­кені темірден түйін түйе­тін шебердің мүсіндері ерек­шелігімен тамсандырады.

«Осыдан 12 жыл бұрын жер телімін алған едім. Сол кезде үй аумағын абаттандыруды ойластырдым. Сөйтіп, дәнекерлеу аппаратын сатып алып, түрлі мүсін жасауды қолға алдым. Бұл – менің хоббиім. Дегенмен, тоқсан тараулы тағдыр не ұсынарын кім білген? Төрт жыл бұрын денсаулығым сыр беріп, бастапқыда жүрек талмасы, кейін бауыр циррозы деген диагноз қойылды. Дәрігерлер жұмыс істеуге, ауыр зат көтеруге тыйым салды», дейді А.Речкин.

Алайда қол қусырып, бос отыруды жаны сүймейді. Сөйтіп, темірден түрлі мүсін жасауды қайта қолға алған. Сол кезде оған өзінің отбасы, досы Бағдат пен оның жары Салтанат көп қолдау көр­сетіпті. Дәнекерлеушінің қолға алған ісінің атауы мүсін болғанымен, күнделікті өмірде, тіпті сауда орындарында жиі кездесетін бұйымдарға мүлдем ұқсамайды. Өйткені Александр Речкиннің мүсіні – полигональды фигура.

«Темірден түрлі мүсін жасау жеңіл көрінуі мүмкін. Бірақ бұл оңай іс емес. Бастапқыда интернет желісінен полигональды фигура жасаудың қыр-сырын іздедім. Кейбір шеберлерге де хабарластым. Алайда ешкім бұл істің құпиясымен бөліскісі келмеді. Сондықтан шеберлігімді өзім жетілдіруге тырыстым. Қателіктен сабақ алдым», дейді ол.

Қазір оның қолынан шық­қан мүсіндерге тапсырыс беруші көбейді. Әсіресе жеке иеліктегі үйлердің ауласына қоятын түрлі аңның мүсініне тапсырыс көп түседі. Тапсырыс берушілер еліміздің әр өңірінде тұрады. Тіпті Германия, Ресей, Беларусь, Литва мен Бельгиядан тапсырыс берушілер бар.

«Менің таңдаған стилім – көп қырлы фигура. Мұндай фигураларды жасау үшін түрлі есептеу, дәлдік пен шыдам­дылық қажет. Алдымен металдан бүйірлі қиындылар дайын­даймын. Оларды бір-біріне дәнекерлеу кезінде мұқият болған жөн. Болмашы қателік фигураның сәнін бұзады», дейді дәнекерлеуші.

Атырау облысы 

Соңғы жаңалықтар

Педагогтер халықаралық жарыста топ жарды

Білім • Бүгін, 23:42

Жүйелі де сапалы шаралар керек

Пікір • Бүгін, 08:10

Ата заң жобасы: бірнеше бап нақтыланды

Саясат • Бүгін, 08:05

Ел мүддесін қорғау үшін түбегейлі жаңару мен экономиканы нығайту маңызды

Саясат • Бүгін, 08:00

Астанада 7-сынып оқушысы буллингті анықтайтын жүйе ұсынды

Елорда • Бүгін, 00:06

Азия чемпионаты: Ел құрамасы нысана көздеуден тағы екі алтын медаль жеңіп алды

Спорт • Кеше

Мұқағали мұрасы дәріптелді

Әдебиет • Кеше

Мемлекет басшысы Жапония Премьер-министрін құттықтады

Президент • Кеше

Президент Қасым-Жомарт Тоқаевтың Үкіметтің кеңейтілген отырысында сөйлеген сөзі

Президент • Кеше

«Таза Қазақстан»: Абай университетінің студенттері Іле-Алатау паркімен экологиялық жобаларды іске асырады

«Таза Қазақстан» • Кеше

Ризабек Айтмұхан еркін күрестен Бішкектегі халықаралық турнирде бақ сынайды

Күрес • Кеше

Қазақстандық могулшылар Олимпиаданың финалына шығу үшін екінші іріктеу кезеңінде бақ сынайды

Олимпиада • Кеше

Белгілі кәсіпкердің өлімі: Басты күдіктіге сот үкімі шықты

Оқиға • Кеше

Қазақстан биатлоншыларының жекелей сайыстағы нәтижесі қандай?

Олимпиада • Кеше

Баубек Бұлқышев пен Мұқан Иманжановтың шығармашылығына арналған кеш өтті

Аймақтар • Кеше

Барлық жаңалықтар