Еуропа елдері АҚШ үшін әуе кеңістігін жапты

Атап айтқанда, Австрия өзінің бейтарап саясатты ұстанатынын айтып, өз әуе кеңістігін пайдалануға сұранымды қабылдамады.

Вице-канцлер Андреас Баблердің айтуынша, ел қақтығысқа қатысуға ниеті жоқ және ықтимал энергетикалық дағдарыстың салдарын болдырмауға тырысады. Оның айтуынша, Австрия шиеленістің күшеюіне байланысты бағытты қолдамайды.

Ал Италия АҚШ-тың әскери инфрақұрылымын пайдаланудан бас тартты. Бұл Сицилия аралында орналасқан Сигонелла базасына қатысты.

Бұқаралық ақпарат құралдарының хабарлауынша, америкалық әскери ұшақтар әуеде бола тұра қонуға сұрау салған, бірақ италиялық тарап алдын ала келісімнің болмауына байланысты рұқсат бермеді.

Шешім Италияның Қорғаныс министрі деңгейінде қабылданды. Риммен қажетті консультациялар алдын-ала жүргізілмегені атап өтілді, бұл бас тартуға себеп болды.

Осыған дейін Испания Иранға қарсы америкалық ұшақтар үшін әуе кеңістігін жапқан болатын. Ел премьер-министрі Педро Санчес соғыс басталғалы бері АҚШ пен Израильдің соққыларын заңсыз деп атап, Мадридтің бұл қақтығысқа қатыспайтынын бірнеше рет мәлімдеген.