Қатар шетелдік әуе тасымалдаушылары үшін әуе кеңістігін ашады

Қатар мемлекетінің Азаматтық авиация басқармасы ұшқыштар құрамына (NOTAM) Хамад Халықаралық әуежайы арқылы Қатар мемлекетіндегі шетелдік әуе компанияларының жұмысын кезең-кезеңімен қайта бастау туралы хабарлама жіберді.

- Бұл шешім барлық мемлекеттік құрылыммен келісе отырып, дайындықтың ең жоғары деңгейін және жедел қызмет тиімділігін қамтамасыз ету мақсатында жағдайды кешенді бағалау қорытындылары бойынша қабылданды, - делінген Қатар Азаматтық авиация басқармасының (QCA) мәлімдемесінде. 

Ведомство барлық ұшу мен онымен байланысты операциялар жолаушылар мен әуе компаниясы қызметкерлерінің қауіпсіздігін қамтамасыз ету үшін барлық қажетті сақтық шаралары қабылдана отырып, ең жоғары халықаралық қауіпсіздік стандарттарына сәйкес жүргізілетінін растап отыр.

Осыған дейін Иранмен соғыс салдарынан авиациялық жанармай тапшылығы туындауына байланысты, Еуропада мамыр айының соңынан бастап рейстер тоқтатылуы мүмкін екенін жаздық.

Сондай-ақ БАӘ мен АҚШ дағдарыс жағдайындағы қаржылық қолдау мәселесін талқылағанын хабарладық.