Еуропа соғысқа қарай бет алып барады Орбан

АСТАНА, 2 қараша – Sputnik. Киевті қолдайтын Еуроодақ басшылары Еуропаны әскери қақтығысқа итермелеп отыр, деп мәлімдеді Венгрия премьер-министрі Виктор Орбан Kossuth радиосының эфирінде.

"Украинаны қолдайтындар соғысты қолдап жатыр", - деген ол, Еуроодақ Киевке еуропа бюджеттерінен көмек көрсеткісі келетінін, себебі "Брюссельдің өзінде ақша жоқ" екенін атап өтті.

Орбан Еуропадағы қазіргі жағдайды Бірінші және Екінші дүниежүзілік соғыстар кезіндегі оқиғалармен салыстырды.

"Еуропа басшылары отпен ойнап жатқанын түсінбейді. <…> Бүгінде Еуропа соғысқа қарай бет алып барады", - деп ескертті Венгрия премьер-министрі.

Ресей Украинаға қару-жарақ жеткізу қақтығысты реттеуге кедергі келтіреді, НАТО елдерін қақтығысқа тікелей тартады және оларды "отпен ойнап жатыр" деп санайды. Ресей сыртқы істер министрі Сергей Лавров Украинаға арналған қару-жарақ тиелген кез келген жүк Ресей үшін заңды нысанаға айналатынын мәлімдеді.