​Еуропадағы қазақстандық мұнай өңдеу зауыттары жөндеуден кейін қалыпты қарқынына оралды

KMG International Румыниядағы екі мұнай өңдеу зауытында - «Петромидия» (Нэводарь қ.) және «Вега» (Плоешти қ.) мұнай өңдеу зауыттарында жоспарлы алдын алу жұмыстарын сәтті аяқтады.

Бұл туралы "Қазмұнайгаз" хабарлады. 

Компанияның мәліметі бойынша, жабдыққа техникалық қызмет көрсетуді, диагностика жүргізуді және катализаторларды ауыстыруды қоса алғанда, барлық өндірістік іс-шаралар толық көлемде және өнеркәсіптік қауіпсіздік талаптарын қатаң сақтай отырып орындалды. 

Аталған іс-шаралар аясында 700-ден астам жұмыс түрі атқарылды, 900-ге жуық жабдық тексерілді және 1200-ге жуық құбырға сынақ өткізілді. 

Қазіргі уақытта кәсіпорындар қалыпты жұмыс режиміне кезең-кезеңімен қосылуда.

Жоспарлы алдын алу жұмыстарын аяқтау зауыттардың пайдалану сенімділігін арттыруға мүмкіндік беретінін, сондай-ақ KMGI-дің өндірістік және қаржылық көрсеткіштеріне қол жеткізуге ықпал ететінін атап өтті компания мамандары. 

Бүгін, 18:06