Фицо Украинаға арналған жаңа кредиттерге қатысудан бас тартты

АСТАНА, 4 мамыр – Sputnik. Словакия премьер-министрі Роберт Фицо өз елінің Украинаға арналған алдағы еуропалық кредиттерге қатыспайтынын мәлімдеді.

"Мен үкімет басшысы ретінде Украинаға 90 миллиард еуро көлеміндегі әскери кредитті қолдаудан бас тарттым және Словакияның бұл кредитке қатыспауы үшін заңды шаралар қабылдадым. Сондай-ақ Словакия болашақта жарияланатын кредиттерге де қатыспайды", – деді Фицо әлеуметтік желіде жарияланған бейнеүндеуінде.

Антониу Кошта 23 сәуірде Еуроодақ елдері Украинаға 90 миллиард еуро көлеміндегі кредитті түпкілікті мақұлдағанын айтты. Бұл қаражат Киевке тек Ресей тарапынан "репарация" төленген жағдайда ғана қайтарылуы мүмкін.

Аталған кредитке Венгрия, Словакия және Чехия қатысудан бас тартқанымен, қаржыны бөлуге кедергі болмады.