Колумбия мен Мексика Американың 10 шы саммитіне қатысудан бас тартты

Колумбия президенті Густаво Петро мен Мексика президенті Клаудия Шейнбаум Куба, Никарагуа және Венесуэланың саммитке шақырылмауына байланысты Американың 10-шы саммитіне қатысудан бас тартты, деп хабарлайды АА.

Колумбия басшысы осы үш елдің саммиттен шығарып тасталуын қатты сынады. «Мен Доминикан Республикасында өтетін Американың саммитіне бармаймын. Диалогты тізімнен шығарып тастау арқылы бастауға болмайды», — деп жазды Петро американдық X әлеуметтік желісіндегі парағында.

Латын Америкасы және Кариб теңізі елдерінің қауымдастығы (CELAC) рөлін атап өтіп, қазіргі уақытта төрағалықты атқарып отырған Колумбия президенті мықты аймақтық альянс құруды ұсынатынын айтты. Бұл альянс ақпаратқа қол жеткізу, таза энергия және жасанды интеллектті реттеу принциптеріне негізделеді деп жоспарлануда.

«Латын Америкасының болашағы — әлеммен ашық әрі терең байланыс орнатуда. Аймақ ірі державалардың сауда қақтығыстарының құрбаны болмауы тиіс», — деді мемлекет басшысы.

Мексика президенті Клаудия Шейнбаум ұлттық сарайда өткен брифингте саммитке қатысудан бас тартатынын растады. Ол Куба, Никарагуа және Венесуэланың шақырылмағанын әділетсіз деп есептейтінін айтты.

Доминикан Республикасының СІМ-і өз мәлімдемесінде ұйымдастырушылар шақыруды мүмкіндігінше инклюзивті етуге тырысқанын және қазіргі саяси поляризация жағдайында іс-шараның сәтті өтуін қамтамасыз етуге бағытталғанын атап өтті.

Саммит Американың – Одақтас Америкв мемлекеттері ұйымының (ОАГ) аясында өтетін, Америка мемлекеттері басшылары мен үкімет басшыларын біріктіретін кездесу. Оның мақсаты — аймақ елдеріне ортақ стратегия жасау және елдер алдында тұрған мәселелерді шешу.

10-шы Саммит Американың 2025 жылы 4–5 желтоқсанда Доминикан Республикасының шығысында орналасқан Пунта-Кана қаласында өтеді.

Бүгін, 12:13