ФИФА 2026 жылғы әлем чемпионаты қатысушыларына берілетін жүлде қорын арттырады

Қазіргі уақытта ұлттық қауымдастықтармен келіссөздер жүргізіліп жатыр, түпкілікті шешім ұйым кеңесінің Ванкуверде өтетін отырысында қабылданады.

Бастапқыда турнирдің жүлде қоры 727 миллион АҚШ долларын құраған. Оның ішінде жеңімпаз команда 50 миллион доллар алса, әрбір қатысушы кемінде 10,5 миллион доллардан алуы тиіс болған. Алайда Еуропа федерациялары логистика, салық және АҚШ, Канада, Мексикаға сапар шығындарының жоғары болуына байланысты бұл сомаларды қайта қарауды ұсынған.

Қазіргі таңда ФИФА-ның қаржылық жағдайы тұрақты. Төрт жылдық цикл ішінде ұйымның табысы 11 миллиард доллардан асады деп күтіледі. Осыған байланысты тек ұлттық құрамаларға берілетін жүлде ғана емес, сонымен қатар 211 мүше қауымдастықты қаржыландыру көлемі де ұлғайтылмақ.

Айта кетейік, әлем чемпионаты 11 маусым мен 19 шілде аралығында өтеді.

Осыдан бұрын 2026 жылы өтетін футболдан әлем чемпионатына 1 миллионнан астам билет сатылғаны белгілі болды.

Сондай-ақ, Иран 2026 жылғы футболдан әлем чемпионатының жеребесіне қарсылық танытқаны анықталды. 

Кейіннен Иран құрамасы футболдан әлем чемпионатына қатыспайтыны айтылды.

Өз кезегінде Трамп кеңесшісі футболдан әлем чемпионатында Иранды Италиямен алмастыруды ұсынды.