FIFA биылғы әлем чемпионатындағы жүлде қорын $871 млн ға дейін арттырды

ФИФА мәліметтінше, жүлде қоры 15 пайызға өсті. Қаржы турнирге қатысатын 48 команда арасында бөлінеді.

Ұйым өкілдері төлемдер қайта қаралуын турнирдің коммерциялық табысымен және ұлттық федерациялардың логистика, салықтар мен қатысу ұйымдастыру бойынша шығындарының артуымен байланыстырды.

Жаңартылған шарттарға сәйкес, әр командаға бұрын қарастырылған $10,5 млн орнына кемінде $12,5 млн беріледі. Дайындыққа бөлінетін қаражат команда үшін $2,5 млн-ға дейін ұлғайтылды, ал квалификациялық жарна $10 млн-ға көтерілді.

Қосымша делегация шығындарына және билет квотасын кеңейтуге субсидиялар қарастырылған. Бұл мақсаттарға $16 млн-нан астам қаражат бөлінген.

Табыс бөлігі ФИФА-ның 211 мүшелік ассоциациясы арқылы әлем футболын дамытуға қайта бөлінеді.

2026 жылғы әлем чемпионаты 11 маусым мен 19 шілде аралығында АҚШ, Канада және Мексикада өтеді. Турнирге алғаш рет 48 команда қатысады.

Бұған дейін FIFA биылғы ӘЧ матчтары билеттерінің жаңа партиясын сатылымға шығарғаны туралы жазған болатынбыз.

Сондай-ақ биылғы әлем чемпионатының финалдық матчының билеттері тарихтағы ең жоғары бағаға жетті. ФИФА белгілеген жаңа құн бойынша ең қымбат билеттің бағасы — 10 990 доллар.