ФИФА: Футбол клубтары трансферге 13 млрд доллардан астам қаражат жұмсады

ФИФА жариялаған жаһандық есепке сәйкес, 2025 жылы әлемдік футболда халықаралық трансферлер көлемі бойынша рекорд тіркелді. Бір жыл ішінде ерлер мен әйелдер арасындағы кәсіби және әуесқой футболда 86 158 ойыншының ауысуы рәсімделген, деп жазады Egemen.kz.

Фото Pexels.com

Клубтардың трансферлік өтемақыларға жұмсаған жалпы шығыны тарихта алғаш рет 10 млрд доллардан асып, 13,11 млрд долларды құрады. Бұл 2024 жылмен салыстырғанда 50%-дан астам жоғары, ал 2023 жылғы рекордтан 35,6%-ға көп.

Ерлер арасындағы кәсіби футболда трансферлік шығындар мен табыс бойынша англиялық клубтар көш бастап тұр. Олар ойыншыларды сатып алуға 3,82 млрд доллар жұмсап, сатылымнан 1,77 млрд доллар табыс тапты. Ал трансфер операцияларының саны бойынша Бразилия клубтары бірінші орынға шықты – 1 190 кіріс және 1 005 шығыс трансфер.

ФИФА вице-президенті Шандор Чаньи ҚФФ кеңсесіне келді

Жаңадан келген ойыншылар үшін трансферлік өтемақы төлеген клубтардың саны рекордтық 1 214-ке жетті. Сондай-ақ ойыншыларды сату арқылы табыс тапқан клубтар саны бойынша да жаңа максимум орнатылды – 1 495 клуб.

Әйелдер футболында да қарқынды өсім байқалады. 2025 жылы әйелдер арасындағы кәсіби футболдағы трансфер шығындары 28,6 млн долларға жетіп, бір жылда 80%-дан астам артты. Кәсіби футболшы әйелдердің 2 440 халықаралық трансфері тіркелді, бұл 2024 жылмен салыстырғанда 6,3%-ға көп.

Ұлттық құрама ФИФА рейтингіде үш сатыға төмендеді

Әуесқой футболда 2025 жылы 59 162 халықаралық ауысым рәсімделді (жылдық өсім – 9,4%). Әсіресе Германия клубтары әуесқой ойыншыларды қабылдау бойынша көш бастады (7 041 ойыншы).

Global Transfer Report 2025 есебінде трансферлік төлемдер, келісімшарт пен ойыншылардың сипаттамалары бойынша кеңейтілген талдау, сондай-ақ селекция және қысқа мерзімді жаттығу тағылымдамаларына арналған жеке бөлім бар. Есеп ФИФА-ның интерактивті онлайн-платформасымен бірге жарияланды.

ФИФА футбол ережесіне өзгеріс енгізуі мүмкін

Соңғы жаңалықтар

Босану саны 35%-ға артты: Астанада екі перинаталдық орталық бой көтереді

Медицина • Бүгін, 10:29

Қоянды ауылында екі оқушыны көлік қағып кетті

Оқиға • Бүгін, 10:11

Президент журналистерді Ұлттық басылым күнімен құттықтады

Президент • Бүгін, 10:03

Ұлы күйшінің туғанына – 165 жыл: Астанада «Күй анасы – Дина» атты рухани кеш өтті

Руханият • Бүгін, 09:51

Бүгінгі доллар бағамы қандай?

Теңге • Бүгін, 09:43

Ауа райының қолайсыздығы: Қай өңірлерде жолдар жабылды?

Ауа райы • Бүгін, 09:30

Синоптиктер Қазақстанның тоғыз қаласында ауа ластанатынын ескертті

Ауа райы • Бүгін, 09:15

Ұрланған техниканы сатып алудың салдары қандай?

Қоғам • Бүгін, 09:07

Қасым-Жомарт Тоқаев Пәкістанға мемлекеттік сапармен барады

Президент • Бүгін, 09:00

Павлодарда алғаш рет көздің қасаң қабығы трансплантацияланды

Медицина • Кеше

Баянауыл ұлттық паркіне жаңа өрт сөндіру техникалары берілді

Аймақтар • Кеше

Silk Way Star жобасының финалы Қытай телеарнасында көрсетілді

Өнер • Кеше

Атырауда сот шешімімен мінезі шәлкес 20 адамға ерекше талап белгіленді

Аймақтар • Кеше

Өскеменде оқушылар қашықтан оқитын болды

Аймақтар • Кеше

Елімізде ұшқышсыз ұшу аппараттарының мамандары даярланады

Технология • Кеше

Барлық жаңалықтар