Financial Times газеті әлем бойынша 2026 жылға арналған болжамды жариялады

Жалпы қорытындыны газет редакциясы келесідей сипаттайды: әлем 2026 жылы айтулы оқиғаларға толы болады.

"Алайда, технологиядан қаржыға дейінгі бірқатар асыра бағаланған бағыттар салқындау кезеңіне тап болып, бұрынғы бағаларды қайта қарауына тура келеді", делінген басылымда.

Саясат және геосаясат:

Дональд Трамп, FT бағалауы бойынша, жыл соңына дейін нарықтық қысымға, инфляцияға және сауда серіктестерінің қарсылығына байланысты ұстанған ең қатал тарифтік саясаттан бас тартады;Украинаның Донбасстан бас тартуы әскери күйреу жағдайында ғана мүмкін, - дейді FT авторлары; демократтар АҚШ Өкілдер палатасындағы басымдығын қайтарып алуы мүмкін, бұл оларға Трамптың күн тәртібіне қойған мәселелерге тосқауыл қоюға және тергеуді бастауға мүмкіндік береді; Сауд Арабиясы Израильмен қарым-қатынасты қалыпқа келтіруге ықтияр танытпауы мүмкін; Германия ультра оңшыл AfD айналасындағы саяси "санитарлық кордонды" сақтайды.

Экономика және қаржы:

орталық банктердің көпшілігі сыйақы мөлшерлемелерін төмендетуді жалғастырады. Жапония бұл процестен тыс қалады;Қытай юаны рекордтық сауда профицитіне қарамастан айтарлықтай нығая қоймайды; жеке несиелеу секторында дефолттар өсімі күтіледі, бірақ жүйелі қаржылық дағдарыс болмайды; алтынның бір унциясының бағасы 5 мың доллардан асуы мүмкін; Африка өсу қарқыны бойынша алғаш рет Азияны сәл басып озуы мүмкін.

Технология:

жасанды интеллект саласындағы қызып кету процесі жойылады: ірі технологиялық компаниялар тұрақтылықты сақтайды, ал венчурлық және кішігірім ойыншылар шығынға ұшырайды; коммерциялық тұрғыдан тиімді кванттық компьютер күтілгендей, 2026 жылы пайда болмауы мүмкін; гуманоидты роботтар нарыққа шығады, бірақ бағасы удай қымбат болады;ЖИ көмегімен толықтай әзірленген ән әлемдік чарттарда көшбасшы бола алмайды.

Бизнес және нарықтар:

FТ болжамы бойынша, Tesla АҚШ, Еуропа және Қытайда жоғалтып алған позицияларын қайта қалпына келтіре алмайды;

Илон Маск классикалық автоөндіріске емес, жасанды интеллект пен роботаксиге басымдық береді.

"Өткен жылғы болжамдарымыз рекордтық деңгейде дәлдік таныта алмады", – деп мойындайды редакция.

2025 жылы болжанған 20 дүниенің жетеуі орындалмады. Бұл - жоба тарихындағы ең нашар нәтиже.

"Бұл бүгінгі таңда әлемнің дамуын болжау қаншалықты қиын екенін анық көрсетеді", – деп ескертеді Financial Times газетінің авторлары 2026 жылға арналған жыл сайынғы болжамында.

Бұған дейін Қазақстанда 2026 жылы қандай халықаралық әуе рейстері ашылатынын жазғанбыз.