Forbes: Ресейлік миллиардерлер саны тарихи максимумға жетті

Forbes журналының 2026 жылғы жаһандық рейтингінде ресейлік долларлық миллиардерлер саны 155 адамға жетіп, жаңа рекорд орнатты.
Бұл өткен жылмен салыстырғанда тоғыз адамға көп. Бұған дейінгі рекорд 2025 жылы тіркелген, ол кезде тізімге 146 ресейлік кәсіпкер енген. Басылымның мәліметінше, миллиардерлер санының өсуіне бірнеше фактор әсер еткен. Олардың қатарында Ресей экономикасының жоғары пайыздық мөлшерлеме мен санкциялар қысымына байланысты баяулауы, сондай-ақ доллардың әлсіреп, рубльдің бір жылда шамамен 16% нығаюы бар.

Рейтингке енген ресейлік байлардың жалпы байлығы 696,5 млрд долларға жетіп, тағы бір рекорд жаңартты.

Ең дәулетті ресейліктер тізімін Алексей Мордашов бастап тұр. Северсталь компаниясының негізін қалаушы мен оның отбасының байлығы 37 млрд долларға дейін өскен.

Ал бұған дейін екі жыл қатарынан рейтингте көш бастап келген Вагит Алекперов биыл бірінші орынды сақтай алмады. Лукойл компаниясына қарсы АҚШ Қаржы министрлігі енгізген санкциялардан кейін Мәскеу биржасында компания акцияларының бағасы бір жыл ішінде шамамен 30 пайызға төмендеген.