Франкфурт әуежайында Boeing 787 “прилег отдохнуть“ прямо перед вылетом

Франкфурт әуежайында Lufthansa авиакомпаниясының Boeing 787 ұшағы оқыс оқиғаға тап болды - тұрақта тұрған ұшақтың алдыңғы шасси тірегі кенеттен жиналып қалып, лайнер тұмсығымен перронға құлады. Лос-Анджелеске ұшатын рейс жолаушылары әлі бортына мініп үлгермеген, бірақ ішінде экипаж мүшелері болған. Бірнеше қызметкер жарақат алды, деп хабарлайды Tengri Travel.

Франкфурт әуежайында Lufthansa авиакомпаниясының Boeing 787 ұшағы оқыс оқиғаға тап болды - тұрақта тұрған ұшақтың алдыңғы шасси тірегі кенеттен жиналып қалып, лайнер тұмсығымен перронға құлады. Лос-Анджелеске ұшатын рейс жолаушылары әлі бортына мініп үлгермеген, бірақ ішінде экипаж мүшелері болған. Бірнеше қызметкер жарақат алды, деп хабарлайды Tengri Travel.

DW хабарлауынша, оқиға жергілікті уақыт бойынша шамамен 12:45-те болған. Лайнер Лос-Анджелеске ұшуға дайындалып жатқанда, оның алдыңғы шасси тірегі күтпеген жерден жиналып қалған. Соның салдарынан лайнердің тұмсығы әуежай жабынына тиген. Қуанышқа орай, жолаушылар әлі бортына мініп үлгермеген, алайда ұшақ ішінде экипаж болған.

Оқиғадан кейін жағдайды алдын ала бағалау үшін оқиға орнына техникалық қызметтер мен мамандар келген. Сондай-ақ авиациялық ведомстволармен бірлескен тергеу амалдары басталған.

Рейстің өзі тоқтатылды.

Авиакомпания экипаждың бірнеше мүшесі жарақат алғанын растады. Оларға медициналық көмек көрсетілді.

Оқиғаның себептері әлі анықталған жоқ. Мамандар шасси тірегінің жиналып қалуына нақты не себеп болғанын түсіну үшін ұшақ пен шасси жүйелерін тексеруді жалғастырып жатыр.

Instagram-дағы бұл жарияланымды көру

DW News (@dwnews) жарияланымы

"Еңсесі түскен" ұшақтың кадрлары әлеуметтік желілерде тез тарап кетті. Әсіресе Reddit-те оқиғаны қызу талқылап жатыр.

"Байғұс шаршаған болар, мызғып алу керек болды", "Boeing тағзым етіп жатыр (сөз ойыны: Boeing / bowing)", "Демалуды ұйғарып, жата кетіпті", "Ең болмаса, бұл жолы есіктері орнында қалыпты", "Құсқа обал болды", "Менің мысығым да осылай ұйықтап қалады", - деп жазды желі қолданушылары.

Дегенмен, пікір қалдырушылар арасында сабыр сақтауға шақырған сарапшылар да болды.

"Бұл ұшақтың шасси тіректерін француздық Safran компаниясы жобалап, шығарады, ал негізгі қуат көздері Франция мен Ұлыбританияда орналасқан. Бірде-бір заманауи америкалық, еуропалық немесе қытайлық лайнер тек бір жерде ғана жасалмайды", - деп еске салды желі қолданушысы.

Сарапшылар мұндай оқиғалардың бұрын да түрлі ұшақ модельдерінде болғанын және әдетте асығыс қорытынды жасамай, мұқият тергеуді қажет ететінін атап өтті.
Пікірлерде Лондонның Хитроу әуежайында British Airways компаниясының Boeing 787 ұшағымен болған жағдай еске алынды, ол кезде де тұрақ кезінде алдыңғы тірек жиналып қалған болатын. Сол уақытта тергеу оқиғаны техникалық қызмет көрсету кезіндегі адами фактормен байланыстырды.

Қазіргі уақытта жағдайды Еуропалық авиациялық қауіпсіздік агенттігінің (EASA) мамандары мен Lufthansa техникалық қызметі зерттеп жатыр. Олар оқиғаға техникалық ақау, персонал қателігі немесе механикалық бұзылу себеп болғанын анықтауы тиіс.

Google News арқылы жаңалықтарымызды қадағалаңыз