Ғалымдар ең пайдалы үш дәмдеуішті атады

Айдахо штаты университетінің ғалымдары зерттеу жүргізіп, тағам құрамында аз ғана мөлшерде қара бұрыш, даршын және қалампыр болса, соның өзі жүрек саулығын нығайтып, жасушаларды қорғай алатынын анықтады. Бұған дәмдеуіштердегі полифенолдардың жоғары мөлшері ықпал етеді. Зерттеу нәтижелері Nutrients журналында жарияланды, - деп хабарлайды Tengri Life Газета.Ru-ға сілтеме жасап.

Айдахо штаты университетінің ғалымдары зерттеу жүргізіп, тағам құрамында аз ғана мөлшерде қара бұрыш, даршын және қалампыр болса, соның өзі жүрек саулығын нығайтып, жасушаларды қорғай алатынын анықтады. Бұған дәмдеуіштердегі полифенолдардың жоғары мөлшері ықпал етеді. Зерттеу нәтижелері Nutrients журналында жарияланды, - деп хабарлайды Tengri Life Газета.Ru-ға сілтеме жасап.

Зерттеу аясында 212 ересек адамнан 27 түрлі аспаздық дәмдеуіш пен шөпті қаншалықты жиі қолданатыны туралы сауалнама сұралған. Алынған мәлімет халықаралық Phenol-Explorer базасындағы полифенол құрамымен салыстырылды.

Нәтижесінде қатысушылар айына орта есеппен тек дәмдеуіштердің өзінен шамамен 680 миллиграмм полифенол қабылдайтыны анықталды. Бұл тағам арқылы түсетін осы заттардың жалпы көлемінің шамамен 12 пайызына тең.

Полифенолдардың ең жоғары үлесін қара бұрыш, даршын және қалампыр қамтамасыз еткен. Бұл дәмдеуіштерде белсенді қосылыстардың концентрациясы ерекше жоғары.

Зерттеу авторларының айтуынша, клиникалық және популяциялық зерттеулерде тағамдық талдаулар кезінде дәмдеуіштер көбінесе ескерілмейді, соның салдарынан антиоксиданттардың жалпы деңгейі төмендетіліп көрсетілуі мүмкін. Ал дәмдеуіштерді тағамға қосу рационның биологиялық құндылығын арттырудың қарапайым әрі калорияны көбейтпейтін тәсілі.

Полифенолдар — айқын қабынуға қарсы және антиоксиданттық қасиеттері бар қосылыстар тобы. Олар жүрек-қантамыр жүйесінің, зат алмасудың және қартаю үдерістері жағдайына оң әсер етеді.