Гонконгта ұшақ апатынан екі адам опат болды

Гонконгтың халықаралық әуежайында төтенше жағдай болды. Жүк таситын ұшақ қону жолағынан сырғып кетіп, жерүсті қызметінің көлігіне соғылды.

Сөйтіп, теңізге жартылай батты. Экипаж мүшелері дін аман. Алайда көлікте отырған екі адам да опат болды. Бір адамның сүйегі теңізден табылса, екіншісі ауруханада жан тапсырды. Дубайдан жүк әкелген Boing 747 ұшағы түрік әуе компаниясына тиесілі. Қазір қону алаңының солтүстік бөлігі жабық. Басқа жолақтар жұмыс істеп тұр. Апатқа байланысты жүк таситын 12 ұшақтың рейсі тоқтатылды. Гонконгтың азаматтық авиациясы тергеу бастап кетті.