ІІМ Астанада қаруланған шетелдіктердің ұсталуына қатысты жаңа мәліметтерді жариялады

Сәуірде Мәжіліс депутаты Мұрат Әбенов Астанадағы Highvill тұрғын үй кешенінде қаруланған екі шетелдіктің ұсталғанын хабарлаған болатын. Ішкі істер министрлігі тергеудің қалай жүріп жатқанын және ұсталғандардың Назарбаев Университетіне қатысы бар-жоғын айтты, - деп хабарлайды Tengrinews.kz.

Сәуірде Мәжіліс депутаты Мұрат Әбенов Астанадағы Highvill тұрғын үй кешенінде қаруланған екі шетелдіктің ұсталғанын хабарлаған болатын. Ішкі істер министрлігі тергеудің қалай жүріп жатқанын және ұсталғандардың Назарбаев Университетіне қатысы бар-жоғын айтты, - деп хабарлайды Tengrinews.kz.

Бүгін Сенат кулуарында журналистер Ішкі істер министрінің орынбасары Санжар Әділовтен аталған істі тергеу барысы туралы сұрады.

"Кешенді сараптама басталды. Келесі аптаның басында нәтижесін алып, түпкілікті процестік шешім қабылдаймыз. Тергеу жалғасып жатыр", - деді Әділов.

Сондай-ақ журналистер ұсталғандардың Назарбаев Университетінің оқытушылары болуы мүмкін деген ақпаратты нақтылады.

"Жоқ, олар Назарбаев Университетінің оқытушылары емес. Бұл жалдамалы пәтер болған. Жедел-тергеу іс-шаралары жүргізіліп жатыр", - деп жауап берді министрдің орынбасары.

Еске салайық: екі шетелдіктің ұсталғаны туралы ақпарат шыққаннан кейін Астана полициясы пәтерден табылған қарудың антикварлық екенін және заманауи жауынгерлік қару-жараққа жатпайтынын мәлімдеген.