Илон Масктың компаниясы алғашқы орбиталық ұшудан кейін Starship ті Жерге мерзімінен бұрын қайтарды

Илон Масктің SpaceX компаниясына тиесілі жаңа буындағы Starship зымыраны дүйсенбі күнгі алғашқы орбиталық ұшуынан кейін Жерге жоспарланған уақыттан ерте оралды. Кеме Тынық мұхитына қонған бойда жарылып кетті, деп хабарлайды Tengri Life Axios басылымына сілтеме жасап.

SpaceX-тің Starship зымыраны алғашқы орбиталық ұшуын өткізіп, 26 Starlink V3 спутнигін орбитаға шығарды, алайда миссия мерзімінен бұрын аяқталып, суға қону кезінде жарылды. Бастапқыда аппарат ұшу кезінде шамамен 10 сағат болып, Жерді алты рет айналуы тиіс еді, бірақ ол шамамен үш сағаттан кейін қайтарылды.

Starship алғашқы орбиталық ұшудан кейін Тынық мұхитына қону кезінде жарылған. Трансляция X әлеуметтік желісінде жүргізілді.

Суға қонғаны расталды. SpaceX-тің бүкіл командасын Starship-тің алғашқы орбиталық ұшуымен құттықтаймыз! pic.twitter.com/urjmiwnvNl

— SpaceX (@SpaceX) September 28, 2026

"Осы уақытқа дейін ұшу сынақтары кезінде халықтың қауіпсіздігін барынша қамтамасыз ету және сонымен бірге алынған білімді барынша тиімді пайдалану үшін әдейі пассивті қауіпсіз суборбиталық траекториялар қолданылды", "Орбитаға шығу Starship-ті толықтай және жылдам қайта пайдалануға болатындай ету үшін әзірлеменің келесі кезеңін бастауға мүмкіндік береді", - делінген SpaceX миссиясының сипаттамасында.

Көп мәрте қолданылатын Starship - SpaceX-тің коммерциялық жоспарының және NASA-ның Artemis бағдарламасына арналған ай модулінің негізгі құрамдас бөлігі.

Алып, толықтай көп рет қолданылатын Starship - SpaceX-тің коммерциялық амбицияларының кілті. NASA оның модификациясын Artemis бағдарламасы үшін айға қонатын модуль ретінде пайдаланудан үмітті, деп жазады басылым.

Бізді Google-дың негізгі дереккөздер тізіміне қосыңыз