Интернеттің шектелуі мен Telegram ның бұғатталуы Путиннің рейтингін төмендетті

Интернеттегі жаппай шектеулер мен Telegram-ның бұғатталуы аясында Ресей президенті Владимир Путиннің қоғамдық қолдау көрсеткіштері төмендегенін көрсетті, деп хабарлайды Arasha.kz сайты The Moscow Times басылымына сілтеме жасап.

Бүкілресейлік қоғамдық пікірді зерттеу орталығының (ВЦИОМ) сауалнама мәліметтеріне сәйкес, 19-22 наурыз аралығында мемлекет басшысының қызметін мақұлдау деңгейі 70,1%-ды құрады. Бұл өткен аптадағы көрсеткіштен 1,9 пайыздық тармаққа төмен. Салыстырмалы түрде айтсақ, қаңтар айының ортасында бұл көрсеткіш 75,2%-ға жеткен болатын. Қазіргі мақұлдау деңгейі Украинадағы ауқымды қақтығыс басталғаннан бергі ең төменгі көрсеткіш болып тіркелді. Бұдан төмен көрсеткіш тек 2022 жылғы 20 ақпанда (респонденттердің 64,3%-ы қолдау білдірген кезде) байқалған еді.

Сонымен қатар, президентке деген сенім деңгейі де 75%-ға дейін төмендеді. Бұл бір апта бұрынғыдан 1,7 пайыздық тармаққа, ал жыл басындағы деңгейден 4,3 пайыздық тармаққа аз. Осыған ұқсас мәндер соңғы рет 2022 жылдың ақпанында тіркелген.

Бұған қоса, президенттің қызметіне көңілі толмайтын азаматтардың үлесі артты. Егер қаңтарда мұндай респонденттердің саны 14,8% болса, 22 наурызға қарай олардың саны 18,3%-ға дейін өсті. Сенімсіздік деңгейі де өсім көрсетті: қаңтардағы 16,1%-дан наурызда 20,1%-ға дейін көтерілді.