Иран мен АҚШ арасындағы диалог үзілді: Таяу Шығыста шиеленіс күшейді

Тегеран диалог тек Иран мен «қарсылық майданының» талаптары орындалғаннан кейін ғана қайта жалғасатынын мәлімдеді. Қарымта шара ретінде Ормуз бұғазын толық жабу және Баб-эль-Мандеб бұғазындағы әрекеттерді күшейту жоспарланып отырғаны айтылды.

Бұл шешім 1 маусымда аймақта жағдайдың шиеленісуі аясында қабылданған. Израиль әскерлерге Ливан аумағына тереңдей ену жөнінде бұйрық беріп, Бейруттағы «Хезболла» нысандарына соққыларды қайта бастаған. Иран Қарулы күштері Бас штабы Израильдің «әскери операцияларына» бұдан былай төзбейтінін ескерткен. Тегеран дерегінше, Ливанда 3000-нан астам бейбіт тұрғын зардап шеккен.

Бұған дейін АҚШ әскери күштері Иранның радарлары мен ұшқышсыз аппараттарды басқару пункттеріне соққы жасаған. Бұл Иран демалыс күндері MQ-1 Predator дронын атып түсіргеннен кейінгі жауап әрекеті ретінде жасалған. Иран қарсы соққы фактісін растады. Ал Кувейт ұшып келген зымырандар мен дрондардың сәтті тойтарылғанын мәлімдеді.