АҚШ пен Иран уақытша бітімге келді: Таяу Шығыста не өзгереді?

Фото: pixabay.com

Тараптар екіжақты шарттардың басым бөлігі бойынша келісіп қойған. Құжатта атысты тоқтату режимін ұзарту, Иранның ядролық бағдарламасы бойынша келіссөздерді жүргізу талқыланған. Келісім аясында Ормұз бұғазы арқылы еркін теңіз қатынасын қамтамасыз ету, сондай-ақ Иранның 30 күн ішінде теңіз миналарын алып тастау міндеттемесі қарастырылған.

Трамп Иранға ядролық келісім бойынша талап қойды

Дегенмен бірқатар тармақ әлі де талқыланып жатқандықтан, Вашингтон билігі мәміленің жүзеге аспай қалу қаупі бар екенін мойындап отыр.

«Біз әлі келісімге қол жеткізген жоқпыз, бірақ келісім жасауға жақынбыз. Жұмысты жалғастырамыз»,  деді АҚШ вице-президенті Джей Ди Вэнс.

Айта кетейік, кейінгі тәуліктерде АҚШ пен Иран арасында әскери шиеленіс те күшейген. АҚШ дрон ұшыратын нысанға соққы жасаса, Иран күштері Кувейттегі АҚШ базасына зымыран және дрон шабуылдарын жасаған.

Трамп Иран келісіміне қатысты асығыс шешім қабылдамауға шақырды