Иран тұрғынымен ауыз жаласқан әзербайжандық еліне мол көлемде есірткі әкелген

11 сәуірде жүргізілген жедел-іздестіру іс-шаралары барысында Бейлаган ауданынан Баку қаласына метадон М-40 таблеткалары мен кептірілген марихуананың ірі партиясын тасымалдау кезінде 1994 жылғы 12 тамызда туған Оруджев Годжа Микаил оғлы ұсталды.

Тергеу барысында оның Иран Ислам Республикасының азаматының қатысуымен қылмыстық байланыс орнатып, есірткі сату үшін оны Әзербайжан аумағына контрабандалық жолмен жеткізгені анықталды.

Мемлекеттік қауіпсіздік қызметінің мәліметінше, тексеру кезінде жалпы салмағы 16 келі 700 грамм кептірілген марихуана және құрамында есірткі бар 3500 дана метадон М-40 таблеткасы тәркіленген.

-Аталған дерек бойынша Оруджевке Әзербайжан Республикасының Қылмыстық кодексінің 206.3.2, 234.4.1 және 234.4.3-баптары бойынша айып тағылып, сот шешімімен оған қамауға алу бұлтартпау шарасы қолданылды,-делінген хабарламада.

Қазіргі уақытта іс бойынша жедел-тергеу әрекеттері жалғасып жатыр.

Осыған дейін Ыстанбұлда есірткіге қарсы операция кезінде танымал актриса Ханде Эрчел қамалғаны туралы жаздық.