Ирандағы тәртіпсіздіктер өршісе, Хаменеи Мәскеуге қашуы мүмкін

Иранның жоғарғы көшбасшысы аятолла Әли Хаменеи елдегі тәртіпсіздіктер күшейген жағдайда Мәскеуге қашуды жоспарлап отыр, деп жазды The Times барлау қызметінің есебіне сілтеме жасап.

Мәліметтерге сәйкес, 86 жастағы Хаменеи, егер армия мен қауіпсіздік күштері дезертирлікке бой алдырып, наразылық білдірушілер жағына өткенін немесе бұйрықтарды орындамай жатқанын көрсе, Тегераннан өзінің ең жақын ортасы — 20 көмекшісі мен отбасы мүшелерімен бірге кетуді көздеп отыр.

«Бұл «Б жоспары» Хаменеи мен оның жақын ортасына, соның ішінде ұлы әрі мұрагері ретінде қарастырылып жатқан Моджтабаға арналған», — деп хабарлады басылымға барлау қызметіндегі дереккөз.

Израиль барлау қызметінің өкілі Бени Сабти аятолла Мәскеуге қашуы мүмкін деген пікірде, өйткені «ол үшін бұдан басқа баратын жер жоқ», — деп жазады басылым.