Фицо Мәскеуге Зеленскийдің жолдауын жеткізуі мүмкін Словакия СІМ

АСТАНА, 8 мамыр – Sputnik. Словакия премьер-министрі Роберт Фицо Мәскеуге сапары барысында Украина басшысы Владимир Зеленскийдің жолдауын алып баруы мүмкін, деп жазды Pravda газеті Словакия Сыртқы істер министрлігіне сілтеме жасап.

"Словакия СІМ мемлекеттік хатшысы Растислав Хованец премьер-министр Украина президентінің жолдауын Ресей басшылығына тапсыруы мүмкін екенін айтты", – делінген хабарламада.

Дипломаттың айтуынша, Фицо сонымен қатар Ресей президенті Владимир Путиннен Мәскеудің қақтығысты реттеу бойынша ұстанымы туралы маңызды мәліметтер алуы мүмкін.

Словакия премьер-министрі Мәскеуге Жеңіс күніне орай барады.

Бұған дейін Кремль өкілі Юрий Ушаков киевтік келіссөз жүргізушілерге жағдайды реттеу үшін не істеу керектігі белгілі екенін, бірақ бәрі Украинадағы саяси басшылыққа байланысты екенін айтқан.