Фицо Словакия Украинаға сарбаз жібермейтінін айтты

АСТАНА, 8 қаңтар – Sputnik. Словакия премьер-министрі Роберт Фицо үкіметті өзі басқарып отырған шақта Украинаға бірде-бір словак сарбазы жіберілмейтінін мәлімдеді.

"Егер Италия, Чехия және басқа елдерді қоспағанда, бір топ ел өз әскерлерін Украинаға жібергісі келсе, Словакия олардың бұл әрекетіне кедергі келтіре алмайды. Дегенмен үкіметті мен басқарған кезде бірде-бір словак сарбазы Украинаға көпұлтты әскери күштердің құрамында жіберілмейтінін тағы да және батыл түрде қайталаймын,", - деді Фицо сәрсенбіде өзінің Facebook* парақшасында жарияланған бейне үндеуінде.

Қыркүйектің басында Парижде Ұлыбритания премьер-министрі Кир Стармер мен Франция президенті Эммануэль Макронның төрағалығымен "ниеттестер коалициясы" деп аталатын ұйымның отырысы өтті. Саммиттен кейін Франция басшысы 26 елдің қақтығыс тоқтағаннан кейін Украинаға тежеу ​​күштерін орналастыруға дайын екенін білдірді.

Бұған дейін Ресей сыртқы істер министрінің орынбасары Сергей Рябков Мәскеудің ешқашан, ешқандай жағдайда да, Украинада НАТО әскерлерін орналастыруға келіспейтінін, олар тіпті "ниеттестер коалициясының" мүшелері болған жағдайда да келіспейтінін хабарлаған болатын.

Ресей сыртқы істер министрлігі НАТО-ға мүше мемлекеттердің әскерлерін Украинада орналастыруға қатысты кез келген сценарий Мәскеу үшін мүлдем қолайсыз және қақтығыстың күрт ушығып кету қаупі бар екенін мәлімдеді.

*Мета (Facebook және Instagram) қызметіне Ресейде экстремистік деп тыйым салынған.