Ираннан төнген қауіпке байланысты Қазақстандағы нысандар қаншалықты қорғалған

Энергетика вице-министрі Санжар Жаркешов Сенат кулуарында Қазақстандағы америкалық қатысуы бар стратегиялық нысандардың қорғанысына қатысты пікір білдірді. 

Оның айтуынша, қазіргі уақытта жұмыс штаттық режимде жалғасып жатыр.

«Әрине, түрлі сценарийлер консорциумға қатысушы барлық тараппен бірге қарастырылып, пысықталып жатыр. Бұл ірі жоба. Біз өз міндеттерімізді мүмкіндігімізге сай орындап отырмыз. Сонымен қатар транзиттік елдер мен энергия ресурстарын алушы мемлекеттер де өз әрекеттерін жасап жатыр. Барлығының мүддесі — процестің үздіксіз жүруі», — деді Жаркешов.

Вице-министр нақты қабылданған шаралар туралы ақпараттың құпия екенін атап өтті.

Бұған дейін Теңіз кен орнында дрон шабуылдары жағдайында әрекет ету бойынша әскери жаттығулар өткізілгені хабарланған болатын.

Бүгін, 12:34