Испания Еуропалық одақты сағат тілін жылжытудан бас тартуға шақырады

Ол X платформасында жарияланған бейне үндеуде биылғы жылдың 26 ​​қазанына жоспарланған қысқы уақытқа көшудің еш мәні жоқ екенін айтты.

Санчес Еуропалық комиссия 2018 жылы сағатты өзгертуді жоюды ұсынғанын, бірақ содан бері ешқандай шешім қабылданбағанын еске салды.

Испания премьер-министрінің айтуынша, Испаниядағы да, Еуроодақтың басқа елдеріндегі де азаматтардың көпшілігі уақыттың өзгеруіне қарсы.

Ол социологиялық сауалнамалар мен ғылыми зерттеулерді мысалға келтірді. Сағаттың маусымдық өзгеруі энергияны үнемдеуге айтарлықтай әсерін тигізбейді. Бірақ халықтың денсаулығы мен күнделікті өміріне кері әсер етеді.

20 қазанда Люксембургте өткен ЕО көлік, телекоммуникация және энергетика министрлері саммитінің күн тәртібіне уақытты өзгерту мәселесі енгізілмегенімен, Испанияның энергетика жөніндегі мемлекеттік хатшысы Джоан Гройзар оны талқылауды ұсынды.

Еуропалық комиссия 2018 жылы жүргізген сауалнамаға сәйкес, ЕО тұрғындарының 84% маусымдық уақыт өзгерістерін жоюды қолдады.

Германияда 2024 жылы респонденттердің 74%-ы осындай пікір білдірді. Польша, Финляндия және басқа да бірқатар елдер де жазғы және қысқы уақытты алып тастауды қолдайды.

Жыл басында Мемлекет басшысы Қасым-Жомарт Тоқаев «Ана тілі» газетіне берген сұхбатында бірыңғай уақыт белдеуіне қатысты сұраққа пікір білдірді.