Із түссіз кеткен отбасы: жоғалған Наурыздың соңғы хабарламасы белгілі болды

Атырау облысында із-түссіз жоғалып кеткен отбасының туыстары "Qazaq Airan" YouTube арнасына сұхбат берді, деп хабарлайды Arasha.kz.

Марқұм Мақсот Қарабалиннің туған қарындасы Әдемі Шылмағамбетова жоғалып кеткен Наурыздың өзіне алғаш рет хабарласқан сәтін еске алды.

Оның айтуынша, қараша айының басында Наурыз WhatsApp арқылы жазып, отбасындағы жағдайын айтып шағынған.

"Қараша айының басында Наурыз інім WhatsApp-пен жазды. "Үйленейін деп едім, қызымның аяғы ауыр. Бейнеуде, оралман. Апам айқай шығарып жатыр. Үйлендірмеймін, алғызбаймын деп жатыр" деді. Сосын "құрсын, жасың келді ғой, неге үйлендірмейді?! Адамың болса болды емес пе?! Сөйлесеміз" деп айтып қойдық. Одан кейін хабарсыз кетті", – деді Әдемі Шылмағамбетова.