Құлсарыда із түссіз жоғалған оқушы Ақтөбеге кетіп қалған болуы мүмкін

Атырау облысы Құлсары қаласынан жоғалған 15 жастағы Жұлдызай Мұсағалиеваны еріктілер мен полиция іздестіріп жатыр. «Диапазон» басылымының мәліметінше, қызды соңғы рет Ақтөбеде көрген.

«Zello Poisk» іздеу тобының ақпаратынша, жасөспірім 24 қазанда шамамен кешкі сағат 22:00-де үйінен шыққан. Алдымен Құлсарыдан Атырауға, кейін Ақтөбеге барғаны анықталған.

«29 қазан күні "Автовокзал" аялдамасында оны атыраулық танысы көрген. Олар сөйлесіп, қыз Ақтөбеге көшемін, тәте­ме келдім деп айтқан. Шын мәнінде, оның мұнда туыстары жоқ», — деді ерікті Екатерина Голотина.

Содан бері Жұлдызай туралы ешқандай ақпарат жоқ. Іздеу жұмыстары он күннен астам уақыттан бері жалғасуда.

Қыз жоғалған кезде үстінде қара костюм, қара куртка, қара шалбар және ақ аяқ киім болған. Өзінде қоңыр сөмке және қара қаптамадағы iPhone 11 телефоны болған.

Қыз туралы қандай да бір ақпарат білетіндерден 8-707-881-20-98 немесе 102 нөмірлеріне хабарласу сұралады.

Бүгін, 15:29