Атырау тұрғыны із түссіз жоғалды: ол Ақтауға кеткен болуы мүмкін

Жақындары мен полиция 29 жастағы Атырау тұрғыны Құрманов Әнуар Болатқалиұлын іздестіруде.

Lada.kz дерегінше, ер адам Ақтауға кетуі мүмкін.

Туыстарының айтуынша, Әнуарды соңғы рет 8 мамырда үйінде көрген. Сағат 22:00 шамасында белгісіз бағытқа шығып кеткен, содан бері оралмаған. Ұялы телефонын үйде қалдырған.

Атырау полициясы хабарлағандай, жоғалған азамат вокзалға барып, таксиға отырған, кейін Ақтаудың 8-ықшамауданында түскен. Осыдан кейін оның ізі жоғалған.

Жақындары Әнуарды көрген немесе оның қайда екені туралы қандай да бір ақпарат білетін адамдардан хабарласуды сұрайды.

Белгілері: бойы шамамен 160 см, салмағы 50–55 кг. Қара спорттық кофта, қою түсті шалбар және жасыл-ақ түсті кроссовки киген.

Ақпаратты мына телефонға хабарлауға болады: 8 701 140 87 85 (байланыс тұлғасы — анасы Күлнар Құрманова). Сондай-ақ полицияға 102 нөмірі арқылы хабарласуға болады.

Бүгін, 22:47