Израиль алғаш рет ең озық қаруын басқа елге берді

Израиль алғаш рет өзінің мобильді әуе қорғаныс жүйесі — «Темір күмбезді» басқа елге жіберді. Axios мәліметінше, жүйе Біріккен Араб Әмірліктеріне жеткізілген.

Онымен бірге бірнеше ондаған израильдік әскери маман және зымырандарды қағып түсіруге арналған қор жіберілген.

БАӘ Иранның әуе шабуылдарына жиі ұшырап отырған. Дерек бойынша, ел аумағына жүздеген зымыран мен мыңдаған дрон бағытталған. Axios дереккөздері «Темір күмбез» БАӘ аумағында ондаған ирандық зымыранды қағып түсіргенін хабарлады.