Израиль Ливанға ауқымды құрлық операциясын дайындап жатыр Axios

Израиль Ливан аумағында құрлықтағы әскери операцияны айтарлықтай кеңейтуді жоспарлап отыр. Израиль және АҚШ шенеуніктерінің айтуынша, негізгі мақсат – Литани өзенінің оңтүстігіндегі барлық аумақты бақылауға алып, «Хезболла» тобының әскери инфрақұрылымын жою. Бұл туралы Axios басылымы жазды.

Егер бұл жоспар жүзеге асса, ол 2006 жылғы Ливан соғысынан кейінгі ең ірі израильдік құрлық операциясы болуы мүмкін. Мұндай қадам Израиль мен Иран арасындағы қақтығыстың ауқымын одан әрі ұлғайтып, Ливанды да кең көлемдегі шиеленіске тартуы ықтимал.

Израиль тарапының мәліметінше, операцияны кеңейту туралы шешім «Хезболла» Израильге қарай 200-ден астам зымыран ұшырғаннан кейін қабылданған. Сонымен қатар Израиль армиясы Ливан шекарасына үш бронетанктік және жаяу әскер дивизиясын орналастырып, қосымша күштер мен резервистерді жұмылдырып жатыр.