Кадрлық өзгерістер: Азамат Есқараев елші қызметінен босатылып, жаңа лауазымға тағайындалды

Мемлекет басшысының Жарлығымен Азамат Несіпбайұлы Есқараев Қазақстан Республикасының Үндістан Республикасындағы Төтенше және Өкілетті Елшісі, Қазақстан Республикасының Бангладеш Халық Республикасындағы, Бутан Корольдігіндегі, Мальдив Республикасындағы, Непалдағы Төтенше және Өкілетті Елшісі қызметін қоса атқарушы лауазымдарынан босатылды, – деп хабарлайды Aikyn.kz Ақордаға  сілтеме жасап.

Мемлекет басшысының өкімімен Азамат Несіпбайұлы Есқараев Қазақстан Республикасы Президенті Әкімшілігінің Мемлекеттік құқық бөлімінің меңгерушісі лауазымына тағайындалды.

Азамат Несіпбайұлы Есқараев 1979 жылы Алматы қаласында дүниеге келген. 2000 жылы Қазақ мемлекеттік заң академиясын бітірген.
Еңбек жолын 2000 жылы Қазақстан Республикасының Әділет министрлігінде Заңнама департаментінің жетекші маманы болып бастады, кейін бұл министрлікте түрлі лауазымдарда жұмыс істеді, оның ішінде Талдау және стратегиялық жоспарлау департаментінің директоры, Заңнама департаментінің директоры болды.
2005-2006 жылдары Алматы қаласы әкімінің бас инспекторы, 2006-2007 жылдары «Қазына» орнықты даму қоры» АҚ Заң қызметі департаментінің бас менеджері болып жұмыс істеді. 2014-2023 жылдары ҚР Премьер-Министрі Кеңсесінің Заң бөлімі меңгерушісінің орынбасары, меңгерушісі қызметін атқарды.
Ол Қазақстанның Үндістандағы Елшісі болып тағайындалғанға дейін 2023-2025 жылдары Қазақстанның Әділет министрі болған. Ағылшын тілін меңгерген.

Сараптама, зерттеу мақала, күнделікті өзекті ақпаратты «Айқынның»  TELEGRAM  арнасынан табасыз.