Канадалық компаниялар Қазақстанға неліктен қызығып отыр?

Кездесудің негізгі мақсаты – халықаралық және канадалық бизнес өкілдеріне Қазақстанның тау-кен металлургия кешеніндегі әлеуетін таныстырып, салаға шетелдік инвестициялар тарту болды.

Панельдік сессияға Сыртқы істер министрінің орынбасары Әлібек Қуантыров, сондай-ақ B2Gold, Teck Resources, First Quantum Minerals және Arras Minerals компанияларының өкілдері қатысты.

Әлібек Қуантыров өз сөзінде Қазақстанның тау-кен және металлургия саласындағы инвестициялық артықшылықтарына тоқталып, инвесторларды қолдау тетіктері, іскерлік ахуалды жақсарту бағытындағы реформалар мен минералдық-шикізат базасын дамыту шаралары туралы айтты. Сондай-ақ халықаралық компанияларды геологиялық барлау және пайдалы қазбаларды өндіру саласындағы жаңа жобаларға қатысуға шақырды.

Өз кезегінде канадалық компаниялардың өкілдері Қазақстандағы бизнес жүргізу шарттарына оң баға берді. Олар мемлекеттік органдармен өзара іс-қимылдың тиімділігін, рәсімдердің ашықтығын және инвестициялық климатты жетілдіру бағытындағы жүйелі жұмысты атап өтті.

Сақтандыру компаниялары жыл басынан бері 160,4 млрд теңге төледі

Талқылау барысында шетелдік инвестиция тарту, заманауи технологияларды енгізу және халықаралық серіктестік аясын кеңейту мәселелері сөз болды. Қатысушылар Қазақстанның тау-кен металлургия кешенін одан әрі дамыту перспективаларына ерекше назар аударды.

Сарапшылардың пікірінше, бұл кездесу Қазақстан мен Канада арасындағы салалық ынтымақтастықты нығайтуға ықпал етіп, канадалық бизнестің отындық нарыққа қызығушылығы жоғары екенін тағы бір мәрте көрсетті.

Жаңа санкциялар: Қазақстан, Қытай және Түркия компанияларына шектеу енгізілуі мүмкін

Айта кетейік, Astana Mining & Metallurgy 2026 – Қазақстан мен Орталық Азиядағы тау-кен және металлургия саласындағы ең ірі халықаралық форумдардың бірі. Жыл сайын бұл алаңға әлемнің 60-тан астам елінен 5 мыңнан астам қатысушы жиналады. Канадалық компаниялардың қатысуымен өтетін арнайы сессия биыл төртінші рет ұйымдастырылып отыр.