Кәсіпкерлер отандық білім ғылымның дамуына үлес қосып жатыр

Елде ғылым мен бизнес серіктестігі жаңа деңгейге шықты. Мемлекет басшысы атап өткендей, отандық команиялардың бірі Таразда Менделеев атындағы Ресей химия-технология университетінің филиалын ашуға қаржы бөлді.

Тағы бір компаниямыз шетелдік жоғары оқу орнымен серіктестік аясында тау-кен саласына маманданған университет ашуға қадам жасады. Сондай-ақ алдағы уақытта Астанада Мәскеу мемлекеттік халықаралық қатынастар институтының филиалы ашылады деп жоспарланып отыр. Қазақстандағы білім мен бизнестің тығыз қарым-қатынасы жайында елдегі алпауыт компанияның өкілдері де өз ойын білдірді.

Тельман Шуриев, Үкіметпен байланыс және салалық серіктестік департаментінің директоры:

- Бүгінде Американың жетекші университеттерімен бірлесіп, тиісті жоғары оқу орындарын құру мәселесін қарастырып жатырмыз. Сол арқылы Қазақстандағы кадрлардың болашақта бәсекеге қабілетті және алдыңғы қатарда болуына жол ашқымыз келеді. Қазір гибридті, яғни бір емес, бірнеше саланы бірге алып жүрген мамандар жетіспейді. Цифрлық жүйелер қарыштап дамып жатыр. Бұл тұста механик секілді мамандардың жасанды интеллектіні меңгеруі – маңызды бағытқа айналды. Себебі жасанды интеллект – барлық процесті түсініп, саладағы қажетті жаһандық призмаларды құру үшін қажет.