Каспий құбыр консорциумы жөндеу жұмыстарын мерзімінен бұрын аяқтайды Reuters

АСТАНА, 3 желтоқсан – Sputnik. Каспий құбыр консорциумы №3 қашықтықтан қабылдау және есепке алу пунктін (ВПУ-3) бір аптадан кейін мерзімінен бұрын пайдалануға беретінін мәлімдеді. Бұл туралы Reuters агенттігі өз дереккөздеріне сілтеме жасап хабарлады.

Қалқымалы және су асты шлангтарын ауыстыру үшін профилактикалық жөндеу жұмыстары қараша айының ортасында басталды және ол екі айға дейін созылады деп жоспарланды.

29 қарашада Украина Каспий құбыр консорциумы (КҚК) инфрақұрылымына дронмен шабуыл жасады. КҚК бойынша Қазақстаннан экспорттық мұнайдың 80%-і айдалады, ал мұнай – ел бюджетінің негізі.

ВПУ-2 дрондардың шабуылынан кейін істен шықты. Соның салдарынан мұнай ВПУ-1 арқылы ғана жүзеге асырылды.

30 қарашада Қазақстан сыртқы істер министрлігі Украинаның Каспий құбыр консорциумының маңызды инфрақұрылымына кезекті мақсатты шабуылына байланысты наразылық білдірді.

"Болған оқиға тек қана азаматтық объектіге қарсы агрессияның үшінші актісі, оның жұмыс істеуіне халықаралық құқық нормалары кепілдік береді", - деді СІМ өкілі Айбек Смадияров.

Бұған жауап ретінде Украина СІМ азаматтық объектілерге, оның ішінде қазақстандық мұнайдың 80%-не дейін айдалатын КҚК-ға жасалған шабуылдар өзін-өзі қорғау екенін мәлімдеді.

КҚК қазақстандық үш ірі кен орнынан мұнай тасымалдайды, олар: Теңіз, Қашаған, Қарашығанақ.