Кеген ауданында Орман шаруашылығы қызметкерлерінің күні аталып өтті

Алматы облысы бойынша Орман шаруашылығы қызметкерлерінің  төл мерекесі биыл Кеген ауылында өтті. Мереке аясында Кеген орман шаруашылығы коммуналдық мемлекеттік мекемесінің жаңа ғимараты ашылды. Заманауи талаптарға сай салынған бұл нысан қызметкерлердің тиімді жұмыс істеуіне арналған кеңсе болмақ.

Іс-шараға орман саласының ардагерлері мен еңбеккерлері, сондай-ақ облыстық және аудандық мекемелердің өкілдері қатысты. Облыс әкімінің атынан орынбасары Бақытнұр Бақытұлы, Орман шаруашылығы және жануарлар дүниесі аумақтық инспекциясының бөлім басшысы Айбол Қанатұлы, Облыстық табиғи ресурстар және табиғатты пайдалануды реттеу басқармасының басшысы Қанат Ақылұлы, Кеген ауданының әкімі Нұрбақыт Теңізбаев қатысып, орман саласы қызметкерлерін кәсіби мерекемен құттықтады.

Облыс әкімінің орынбасары Бақытнұр Бақытұлы орман шаруашылығының ел экологиясы үшін маңыздылығын, Мемлекет басшысының 2 миллиард ағаш отырғызу тапсырмасын орындауда өңірдің белсенді жұмысын ерекше атап өтті.

«Биыл орман мекемелерін материалдық-техникалық тұрғыда нығайтуға 217,9 млн теңге бөлініп, патрульдік автокөліктер, тракторлар мен экскаваторлар сатып алынды. Сонымен қатар, 829 млн теңгеге өртке қарсы 26 техника алу және жоғары қауіпті аймақтарға 18 бейнебақылау камерасын орнату жұмыстары жүргізілуде. Бұл жүйе орман өрттерін ерте анықтауға және жедел әрекет етуге мүмкіндік береді», деп атап өтті облыс әкімінің орынбасары.

Мереке барысында табиғатты қорғау ісіне елеулі үлес қосқан қызметкерлерге Министрлік пен облыс әкімінің атынан Құрмет грамоталары мен Алғыс хаттар, сондай-ақ «Қазақстан орманын қорғаудағы мінсіз қызметі үшін» төсбелгілері табыс етілді.

Атап айтқанда, Алматы облысы әкімінің Құрмет грамотасымен Жалаңаш орманшылығының орманшы көмекшісі Төреханов Манас Кайыпжанұлы, Алматы облысы әкімінің алғыс хатымен Қарқара орманшылығының орман күтушісі Омаров Қанат Әбіханұлы марапатталады.

Кеген орман шаруашылығы Екаша орманшылығының орман күтушісі Рамазанов Қайрат, Темірлік орманшылығының орман күтушісі Касымбеков Сағатжан,  Жалаңаш орманшылығының орманшысы Инсебаев Ернат Кемелбайұлы «Қазақстан орманын қорғаудағы мінсіз қызметі үшін» I-ші дәрежелі төсбелгісінің иегерлері атанды.

Ұзынбұлақ орманшылығының орманшы көмекшісі Накасов Ермек Мухайұлы,  Жалаңаш орманшылығының орман шебері Кадирханов Ерік Серікбайұлы,  Темірлік орманшылығының орман шебері Кошербаев Даулет Кенсубайұлы, Екаша орманшылығының орманшы көмекшісі Бәтжан Жанболат Жетенұлы «Қазақстан орманын қорғаудағы мінсіз қызметі үшін» ІІІ-ші дәрежелі төсбелгісімен марапатталады.

Мекеме директоры Айболат Әскебекұлы «Еселі еңбегі үшін» төс белгімен, Гульнара Елемесқызы облыстық табиғи ресурстар және табиғатты пайдалануды реттеу басқармасының «Алғыс хатымен марапатталды.

Сондай-ақ, Алматы жергілікті агроөнеркәсіп кешені және мемлекеттік мекемелер қызметкерлерінің кәсіподақ ұйымының атынан Қарқара орманшылығының орман күтушісі Сатыбалдиев Айбол Стамқұлұлы, тұқымбақ жұмыскелері Имангельдиева Гаухар Бескемпірқызы, Құттығаева Майра Тұрдақынқызына  кәсіподаққа сіңірген еңбегі үшін төсбелгі табыс етілді.

Мекеменің бас есепшісі Ляззат Кожалимоваға, Жалаңаш орманшылығының орман шебері Айбек Кодасовқа, Екаша орманшылығының орман шебері Какенов Кенжебек Аудан әкімінің Алғыс хатымен, Қарқара орманшылығының орманшы көмекшісі Төребек Саят, Темірлік орманшылығының орман күтушісі Абдибеков Нурбол «Аманат» партиясының Алғыс хатымен, 10 жұмыскер, қызметкері мекеменің Алғыс хатымен  марапатталды. Сонымен қатар Кеген орман шаруашылығы коммуналдық мемлекеттік мекемесінің директоры  Айболат Әскебекұлы  мекеме зейнеткерлерін құттықтап, шапан жапты.

«2017 жылы Үкіметтің қаулысымен Орман шаруашылығы қызметкерлерінің күні бекітілген. Бүгінгі таңда кәсіби мерекені Кеген орман шаруашылығында атап өтіп жатырмыз. Жұмысшы мамандықтары жылына орай, биыл мекемемізге жаңа ғимарат салынды. Мекеме 1946 жылы құрылған. Жер көлемі 90 мың гектар, оның ішінде орманды алқабы 27 мың гектар. Екі тұқымбақ бар, біреуі уақытша, біреуі 54 гектар Жалағаш орманшылығында орналасқан базалық тұқымбақ. Кеген орманшылығында 15 гектардан 50 гектар тау бөктеріне екпе көшеттері отырғызылады. Базалық тұқымбақта төрт жылдық Шренка шыршасын тау бөктеріне апарып өсіреміз. Осылайша мекеме қызметкерлері өзіне жүктелген қызметті абыроймен атқарып келеді»,- деді Кеген орман шаруашылығы мекемесінің директоры.

Шара соңында Алматы облысы филормониясының концертіне ұласты.  

7kun.kz редакциясы Қазақстандық орманшыларды кәсіби мерекемен құттықтайды. Орманшылардың арқасында еліміздің орман қоры ұлғайып, жасыл желек жылдан-жылға молайып келеді. Табиғатты аялау жолында аянбай еңбек етіп жүрген сала мамандарының табанды жұмысының нәтижесінде ормандарымыз қайта қалпына келтіріліп, жаңа көшеттер егілуде. Бұл – ел болашағына жасалған үлкен инвестиция, экологиялық тепе-теңдікті сақтаудағы маңызды қадам. Орман – тек табиғаттың емес, тұтас ұлттың байлығы. Ал сол байлықты көздің қарашығындай қорғап, ұрпаққа аман жеткізу – орманшылардың ерен еңбегінің жемісі.