Көк базарға бұрынғы үйреншікті бағытпен бару мүмкін болмайды не өзгерді

Алматы жүргізушілеріне "Көк базар" маңындағы өзгерістер туралы тағы ескертілді, деп хабарлайды Tengri Auto.

Алматы жүргізушілеріне "Көк базар" маңындағы өзгерістер туралы тағы ескертілді, деп хабарлайды Tengri Auto.

Желіде Зенков көшесіндегі жаңа қозғалыс сызбасы туралы еске салатын жазба пайда болды.

"Зенков көшесі - біржақты! Қозғалысқа төменнен жоғары қарай рұқсат етілген. Гоголь көшесінен өтуге болмайды, тек солға бұрылу керек!" - делінген жарияланымда.

Еске сала кетейік, жақында Зенков көшесіндегі қозғалыс Мақатаев көшесінен Гоголь көшесіне дейінгі учаскеде біржақты болды. Енді автокөліктер мұнда тек оңтүстік бағытта (жоғары қарай) қозғала алады.

Threads желісінен көру

Бұл өзгерістерді, әсіресе "Көк базар" маңындағы тұрақтарға жету үшін Гоголь көшесінен Зенков бойымен төмен қарай бұрылуға дағдыланған жүргізушілер ескеруі маңызды.

Жаңа сызба бойынша мұндай маневр жасауға тыйым салынған.

Сондай-ақ мына көшелерде қозғалыс бағыты өзгерді:

Достық даңғылы Гоголь көшесінен Жібек жолы даңғылына дейінгі учаскеде солтүстік бағытта біржақты болды; Атамекен көшесіндегі № 103 үйден № 108 үйге дейінгі учаскеде қозғалыс енді оңтүстік бағытта жүзеге асырылады.

Сондай-ақ 23 мамырдан бастап Уәлиханов көшесі Қабанбай батыр көшесінен Қазыбек би көшесіне дейінгі учаскеде солтүстік бағытта біржақты болды.

Сонымен қатар пилоттық режимде Жуков және Манаев көшелерінде Затаевич көшесінен Ахмедьяров көшесіне дейінгі учаскеде біржақты қозғалыс енгізілді.

Тағы оқыңыз: Алматыда тағы бірнеше көше біржақты болады.

Google News арқылы жаңалықтарымызды қадағалаңыз

Жазылу