Көкшетаудағы колледждерде шағын кәсіпорындар ашылды

Ақмола облысындағы төрт колледжде шағын кәсіпорындар ашылды.

Осы арқылы білім ошақтары өздері шығарған тауарлар мен қызметтерден табыс тауып отыр. Студенттер жиһаз жасау, кондитер  және нан-тоқаш өнімдерін пісіру, дәнекерлеу  секілді кәсіптерді игере отырып, оны кіріс көзіне айналдыру дағдыларын меңгереді.

Камила Жұмағатова құрылыс-технологиялық колледжінің үшінші курс студенті. Қазіәр ол «Аспаз-кондитер» мамандығы бойынша білім алып жүр. Өзін дайындаған дәмі тіл үйіретін өнімдерін қаладағы қоғамдық тамақтану ұйымдарына сатады. Жаңа піскен тәтті тоқаштарға сұраныс жоғары.

Камила Жумағатова, студент:

- Жаңа цехта әртүрлі бенто торттар, бәліштер, нандар, бауырсақтар жасаймыз. Біздің өнімдерге сұраныс үлкен. Мен болашақта осы мамандық бойынша жұмыс жасаймын.

Мадина Тұрлыбекова, колледждің өндірістік оқу шебері:

- Шағын кәсіпорында студенттер тек қана теорияны үйренбейді, олар өндірістік оқытуды да үйренеді. Мұнда тапсырыстарды қабылдап, өнімдерді дайындайды.

Ал дәнекерлеуші студенттер өндіріс алаңдарын да темірден түрлі конструкциялар құрастырады. Ал, ағаштан түйін түйетін білім алушылар есік жақтауларынан бастап, әртүрлі бұйымдар жасайды. Өнімдер тұтынушылардың тапсырысы бойынша дайындалады.

Артур Антонов, студент:

- Бізде практикалық сабақтар аптасына екі рет өтеді. Онда біз көбінесе дәнекерлеу жұмыстарын жүргіземіз. Қазірдің өзінде біз жоғары беріктігі бар металл конструкцияларды жинай аламыз.

Ерлан Бегайдаров, колледж директоры:

- Біз дайын өнімдерді сатып, қаржысына шағын кәсіпорындағы техникалық базаны нығайтамыз. Яғни жаңа қондырғылар аламыз. Бұл студенттердің де жайлы жұмыс жасауына зор мүмкіндік береді.

Аймақта соңғы жылдары дуалды бағдарламамен білім алып жатқан студенттер саны  да артқан. Қазір 24 колледж өңірдегі 759 кәсіпорынмен келісім жасаған. Нәтижесінде 6 мыңға жуық студент оқи жүріп өз мамандығы бойынша жұмыс істейді. Мұндағы ең басты тиімділік студент диплом алған соң жұмыссыз қалмайды.

Авторлары: Абзал Азаматұлы,  Виктор Полянный