Көлік ағынын бақылау үшін ЖИ енгізіледі

Алдағы екі жылда халықаралық әуежайлар мен темір жолдар цифрландырылады.

Әуежайларда биометриямен тексеру енгізіліп, көлік ағынын бақылауда жаңа технологиялар қолданылады. Бұл туралы Үкімет отысында ҚР жасанды интеллект және цифрлық даму вице-министрі Ростислав Коняшкин мәлімдеді. 

2027 жылға дейін 10 халықаралық әуежада биометриялық сәйкестендіру іске қосылып, темір жолдардың 55%-на интеллектуалды жүйелер енгізіледі. Ал 2029 жылы көлік өткізу бекеттерінде жасыл дәліздерді толық іске қосу көзделіп отыр. Бұл шаралар шекарадан өту уақытын қысқартып, транзиттік әлеуетті күшейтеді. Үкімет отырысында жасанды интеллект және цифрлық даму вице-министрі Ростислав Коняшкин осылай деді. Дегенмен, талдау нәтижесі шекарадағы рәсімдердің күрделі екендігін және тасымүалға қатысушылар арасында дерек алмасу әлсіз екенін көрсеткен. Осы проблемаларды реттеу  үшін үкімет заманауи цифрлық шешімдерді  қолданбақ.  

Ростислав Коняшкин, ҚР Жасанды интеллект және цифрлық даму вице-министрі:

- Карго енгізілді. Мемлекеттік қызметтердің 94% электронды түрде көрсетілді. 

Жасанды интеллект технологиясын енгізу пойыздарды құру және жоспарлау уақытын  6 есе төмендетеді. Әуежайларда жүктерді өңдеуді 1 сағатқа дейін қысқартады. Жалпы  “цифрлық трансформациялау автожолдардың өткізу қабілетін 20 пайызға арттырады” деді көлік министрі Нұрлан Сауранбаев.

Нұрлан Сауранбаев, ҚР Көлік министрі:

- Автожолдар тиімділігінің негізгі факторы цифрлық шешімдер болып табылады. Мемлекет басшысының тапсырмасы бойынша e-Joldar шеңберінде жолдардың цифрлық паспорттарын қалыптастыруда .Бұл алдағы уақытта пилотсыз көлік құралдарын енгізуге мүмкіндік береді. Жыл сайын жасанды интеллект технологияларын қолдана отырып жол диагностикасы жүргізіледі Жол төсемін сақтау үшін 220 бірлікке дейін автоматтандырылған өлшеу станцияларын орнату жалғасуда. Казіргі таңда оның 71 бірлігі іске қосылды. 

Кедендік бақылаудағы цифрландыру туралы қаржы министрі Мәди Тәкиев баяндады. Ол транзиттік декларциялардың көп бөлігі автоматтандырылған. VIN code-тар бойынша бақылау күшейіп, кедендегі сервистер 4 тілге аударылған. Олар ағылшын, өзбек, қытай, орыс тілдері. “WeСhat” мессенджерімен интеграцияланғанын хабарлады.

Мәди Такиев, ҚР Қаржы министрі: 

Десе де, алда жұмыс көп. Премьер-министр Көлік министрлігіне жүйелердің интеграциясын келер жылы аяқтауды тапсырды. 

Олжас Бектенов, ҚР Премьер-министрі:

Көлік ағындарын бақылау үшін жасанды интеллектіні кезең кезеңмен енгізу керек деді Үкімет басшысы. Ал өңір әкімдіктеріне 2026 жылғы 1 шілдеге дейін жергілікті жолдарды толық паспорттауды аяқтауды тапсырды. 

Ғазиза Мұхамеджанова, Нұрғали Мамырбаев